Zola Kele Kidimbu ya Bakristu ya Kieleka​—Yambula Kikalulu ya Kusosa Mambote na Nge Mosi mpi ya Kusosila Bantu Makambu

MFUNU NA YO: Yezu tubaka nde bantu ta zaba balongoki na yandi kana bo kele ti zola. (Yoa 13:34, 35) Sambu na kumonisa zola ya Kristu, beto fwete sosa ntete mambote ya bantu ya nkaka mpi kubuya kusosila bantu makambu.—1Bk 13:5.

MUTINDU YA KUSALA YO:

• Ntangu muntu mosi me tuba to me sala nge diambu mosi ya mbi, vanda pima mpi yindula ntete kikuma ya diambu yango mpi bampasi yina lenda basika na mambu yina nge ke kana kusala.—Bin 19:11

• Kuvila ve nde beto yonso kele bantu ya kukonda kukuka mpi bantangu ya nkaka beto lenda tuba to kusala diambu yina beto lenda wa mpasi na nima

• Yidika mavwanga nswalu

TALA VIDEO ‘BENO ZOLANA BENO NA BENO’​—YAMBULA KIKALULU YA KUSOSA MAMBOTE NA NGE MOSI MPI YA KUSOSILA BANTU MAKAMBU MPI NA NIMA YULA BANGIUFULA YAI YA KE LANDA:

• Inki Larry salaka ntangu Tom pesaka yandi ndongisila?

• Inki mutindu kuyindula na ntwala ya kusala diambu sadisaka Tom na kusosila ve bantu makambu?

• Inki mutindu mvutu ya pima ya Tom salaka nde mambu kukuma ve ngolo?