Inki Malongi Nge Lenda Baka na Bankunga ya Nkaka?

Inki bankunga nge ke zolaka mingi na kati ya bankunga ya nkaka mpi sambu na nki? Keti nge ke monaka nde mambu yina ke vandaka na kati ya bavideo yango ke wakana ti mambu yina ke salama bubu yai? Mutindu bo ke sadilaka bantu-diambu mpi miziki ya kuswaswana na bavideo yai ke simbaka ntima ya konso muntu. Ntembe kele ve nde bankunga ya nkaka mpi miziki ya video kele mbote kuluta bansaka.

Konso nkunga ya nkaka ke vandaka ti malongi ya mfunu yina beto lenda sadila na luzingu mpi kisalu na beto ya Bukristu. Bankunga ya nkaka ke tubilaka mingi kikalulu ya kukaba, kuvanda na bumosi, kinduku, kikesa, zola mpi lukwikilu. Ya nkaka ke tubilaka mutindu ya kuvutukila Yehowa, mutindu ya kumonisa kikalulu ya kulolula, mutindu ya kulanda kuvanda ya kwikama mpi kubaka balukanu ya kimpeve. Kele mpi ti nkunga ya nkaka ya ke tubilaka mutindu ya mbote ya kusadila batelefone. Inki malongi ya nkaka ya mfunu nge me bakaka na bankunga ya nkaka?

SONGA VIDEO YA NKUNGA YA NKAKA YO VANDAKA PENE-PENE, MPI NA NIMA BENO PESA BAMVUTU NA BANGIUFULA YAI:

• Inki mambote bankwelani yai ya bambuta ke yindula sambu na bilumbu ke kwisa?​—Kuy 12:3

• Inki mutindu beto ke kumisaka lukwikilu na beto ngolo na makuki yina Yehowa kele ti yo ya kulungisa balusilu na yandi?

• Inki balusakumunu beto ta baka ntama mingi ve?

• Inki mutindu kivuvu ya Kimfumu ke sadisaka beto na kukanga ntima na bampasi yina beto ke kutana ti yo bubu yai?​—Bar 8:25