Baka Kinduku na Nge ti Yehowa na Valere

Bambangi ya Yehowa kele ti dibaku mosi ya nene. Beto me bakaka mbotika mpi beto me kumaka Bambangi ya Yehowa, yo yina beto ke landaka kukumisa ngolo kinduku na beto ti Yehowa, Mfumu ya Kuluta Nene. Yandi mosi muntu me bendaka beto na lweka na yandi na nzila ya Mwana na yandi. (Yoa 6:44) Yandi ke waka bisambu na beto.—Nk 34:15.

Inki mutindu beto lenda tanina kinduku na beto ti Nzambi? Beto fwete sala ve mambu ya mbi yina bantu ya Izraele salaka. Ntangu fioti na nima ya kusala kuwakana ti Yehowa, bo salaka kiteki ya wolo ya mwana-ngombe mpi bo sambilaka yo. (Kub 32:7, 8; 1Bk 10:7, 11, 14) Beto fwete kudiyula nde: ‘Inki mono ta sala kana ngindu ya kusala kima mosi ya mbi me kwisila mono? Keti mambu ya mono ke sala ke monisa nde mono ke baka kinduku na mono ti Yehowa na valere?’ Kana beto ke zolaka kibeni Tata na beto ya zulu, beto ta sala ve mambu yina yandi ke zolaka ve ata fioti.—Nk 97:10.

SONGA VIDEO BETO TANINA KINDUKU NA BETO TI YEHOWA (KOL 3:5) MPI NA NIMA BENO PESA BAMVUTU NA BANGIUFULA YAI

• Kuyuma ntima ke tendula nki?

• Sambu na nki beto fwete buya lukasi mpi lusambu ya biteki?

• Inki kuwakana kele na kati ya pite ti lusambu ya biteki?

• Sambu na nki bampangi yina kele ti mikumba fwete zikisa nde bo ke lungisa bampusa ya bankwelani na bo?