Tula Ntima na Zola ya Kwikama ya Yehowa

Nge kele mfunu na meso ya Yehowa. (Yez 43:4) Yandi me bendaka nge na yandi mpi na organizasio na yandi. Nge me kumaka muntu na yandi sambu nge me kudipesaka na yandi mpi nge me bakaka mbotika. Ata nge ke kutana ti bampasi, yandi ta lungisa bampusa na nge sambu nge kele muntu na yandi. Yandi ta monisila nge zola ya kwikama na nzila ya organizasio na yandi.—Nk 25:10.

Beto tala diaka mutindu organizasio ya Yehowa sadisaka bampangi yina bwilaka mpasi na bilumbu ya me luta lenda sadisa beto na kumonisa ntonda ya mingi sambu na zola na yandi ya kwikama.

TALA VIDEO RAPORE YA KOMITE YA BANTWADISI YA 2019, MPI NA NIMA BENO PESA BAMVUTU NA BANGIUFULA YAI:

• 

  Inki mutindu Komite ya Bantwadisi ke yidikaka mambu na ba Betele ya ntoto ya mvimba sambu na kusadisa bampangi yina ke bwila mpasi?

• 

  Inki mutindu organizasio ya Yehowa twadisaka mambu mpi sadisaka bampangi yina bwilaka mpasi na Indonésie mpi na Nigéria?

• 

  Inki sepedisaka nge na mutindu organizasio sadisaka bampangi ntangu COVID-19 panzanaka na ntoto ya mvimba?