Kanga Ntima na Mpasi ya Mbongo ti Kivuvu

Na bilumbu yai ya nsuka, luzingu me fuluka ti bampasi. Awa ya beto ke pusana na nsuka ya nsi-ntoto yai, bampasi ta kuma diaka mingi. Bantangu ya nkaka, beto lenda konda bima ya nkaka ya kinsuni. (Hab 3:16-18) Inki ta sadisa beto na kukanga ntima na mpasi ya mbongo ti kivuvu? Beto fwete tula ntima na Nzambi na beto Yehowa. Yandi me tubaka nde yandi ta lungisa bampusa ya bansadi na yandi, mpi yandi lenda lungisa bampusa na beto na konso ntangu yina.—Nk 37:18, 19; Ebr 13:5, 6.

Mambu ya nge lenda sala:

• Lomba lutwadisu, mayele, mpi lusadisu na Yehowa.—Nk 62:8

• Ndima na luzolo yonso kisalu yina mbala ya nkaka nge me salaka ntete ve.—g-F 1/10 8-9, balupangu

• Landa kusala mambu ya kimpeve ya nge ke salaka mbala na mbala, mu mbandu kutanga Ndinga ya Nzambi konso kilumbu, kukwenda na balukutakanu ya dibundu, mpi kusala kisalu ya kulonga nsangu ya mbote

SONGA VIDEO TUNGA NZO YINA TA WUMELA—“SEPELA TI BIMA YINA NGE KELE NA YO,” NA NIMA BENO PESA BAMVUTU NA BANGIUFULA YAI:

• Inki bampasi mabuta ya nkaka ke kutanaka ti yo?

• Inki kele kima ya kuluta mfunu na luzingu?

• Inki mutindu beto lenda sadisa bantu yina ke kutana ti mpasi ya mbongo?