5-11 AOÛT

BIMVWAMA YA NDINGA YA NZAMBI

1. ‘Zabisa Ngolo ya Nzambi na Ndonga ya Bantu Yina Ke Kwisa’

(Min. 10)

Davidi monaka mutindu Yehowa taninaka yandi ntangu yandi vandaka leke (Nk 71:5; w99 1/9 21 § 17)

Davidi monaka mutindu Yehowa sadisaka yandi ntangu yandi kumaka mununu (Nk 71:9; g04-F 8/10 23 § 3)

Davidi vandaka kusonga baleke mambu yina kuminaka yandi sambu na kupesa bo kikesa (Nk 71:17, 18; w14 15/1 23 § 4-5)

Dibuta yina beto monaka na kitini “Minsiku Sambu na Lusambu ya Dibuta” na mposo ya me luta. Bo me bingisa mpangi mosi ya mununu ti nkento na yandi na lusambu na bo ya dibuta mpi bo ke widikila na kiese yonso ntangu bampangi yina ke tela bo masolo mpi ke songa bo bafoto.

KUDIYULA NDE: ‘Inki mpangi ya me sadilaka Yehowa bamvula mingi ya kele na dibundu na beto yina mono ta sepela kuyula bangiufula na Lusambu na beto ya Dibuta?’

2. Bimvwama ya Kimpeve

(Min. 10)

Nk 72:8—Inki mutindu mambu yina Yehowa silaka Abrahami ya kele na Kuyantika 15:18 lunganaka na luyalu ya ntotila Salomo? (it-1-F 825)

Mvutu na nge
Inki bimvwama ya kimpeve ya lutangu ya Biblia ya mposo yai nge ta sepela kutubila?

Mvutu na nge

3. Lutangu ya Biblia

(Min. 4) Nk 71:1-24 (th dilongi 5)

KUDIPESA NA KISALU YA BILANGA

4. Kuyantika Disolo

(Min. 3) NZO NA NZO. Kana muntu me yantika kuswanisa nge, zenga disolo na luzitu yonso. (lmd dilongi 4 kantu-diambu 5)

5. Landa Mpusa

(Min. 4) KIMBANGI YA DIBAKU YA MBOTE. Solula diaka ti muntu mosi ya dibuta na beno yina ke buya kulonguka Biblia. (lmd dilongi 8 kantu-diambu 4)

6. Tendula Balukwikilu na Nge

(Min. 5) Diskure. ijwfq 49—Ntu-Diambu: Sambu na nki Bambangi ya Yehowa Me Sobaka Mambu ya Nkaka Yina Bo Vandaka Ntete Kundima? (th dilongi 17)

ZINGA MUTINDU BAKRISTU FWETE ZINGA

7. Bangindu Sambu na Lusambu ya Dibuta

(Min. 15) Disolo ti Bawi.

Dibuta yango me telema mpi bo ke yimba nkunga mosi ya Kimfumu.

Dibuta yango ke tala manaka ya JW Télédiffusion.

Mwana mosi ya nkento ya dibuta yina ke pesa mama na yandi mvutu ntangu bo ke sala nsonga na Lusambu ya Dibuta.

Lusambu ya Dibuta kele ntangu mosi ya mbote sambu na bana na kulonguka ‘malongi mpi balukebisu ya Yehowa.’ (Efe 6:4) Kulonguka ke lombaka kusala mambu mingi, kansi yo lenda vanda ntangu ya mbote kibeni, mingi-mingi kana bana ke kuma ti nzala ya kuzaba mambu mingi ya me tala bakieleka ya Biblia. (Yoa 6:27; 1Pi 2:2) Tubila na bunkufi lupangu “Bangindu Sambu na Lusambu ya Dibuta,” yina lenda sadisa bibuti na kusala nde Lusambu ya Dibuta kusepedisa mabuta na bo mpi yo sadisa bo na kubaka malongi ya mfunu, mpi na nima yula bawi bangiufula yai:

Inki bangindu beno ta sepela kusadila?

Mvutu na nge
Keti beno me mona kima ya nkaka yina lenda sadisa beno?

Mvutu na nge

BANGINDU SAMBU NA LUSAMBU YA DIBUTA

BIBLIA:

Beno widikila lutangu ya Biblia yina bo me kotisaka ndinga ya mposo yina to konso muntu lenda tanga yo na ndinga ya ngolo. Konso muntu na dibuta lenda tanga bangogo ya muntu mosi yina kele na disolo yina
Beno yidika bangiufula na lutangu ya Biblia ya mposo. Konso muntu na dibuta kupona ngiufula mosi mpi yandi sala bansosa. Na nima, konso muntu kutubila mambu yina yandi me longuka
Beno yula ngiufula mosi to beno tubila diambu mosi mpi na nima, beno sosa minsiku ya Biblia ya ke wakana ti diambu yango na mukanda Malongi ya Biblia Sambu na Bansadi ya Nzambi
Beno pona disolo mosi ya Biblia yina beno lenda sala bonso nsonga
Konso mposo, beno sonika verse mosi ya Biblia na papie, mu mbandu baverse yina kele na bangindu ya nkaka A na kamukanda Zola Bantu—Kumisa Bo Balongoki mpi beno meka kukanga yo na ntu. Beno tadila diaka baverse yina beno sonikaka na bamposo ya me luta
Beno longuka tubantu-diambu to dilongi mosi ya mukanda Zinga Mvula na Mvula!
Beno pesa konso muntu ya dibuta mukumba ya kutubila disolo mosi na masolo ya kulandana “Bamvutu na Bangiufula ya Biblia” to “Ntendula ya Baverse ya Biblia” ya kele na MALONGI YA BIBLIA na jw.org

BALUKUTAKANU:

Beno yidika kitini mosi ya lukutakanu ya dibundu
Beno yidika bamvutu mpi beno sala barepetisio. Beno tadila ntangu yina bamvutu yango ke baka
Beno yimba bankunga ya Kimfumu
Beno tubila mambu yina beno lenda songa mpangi mosi sambu na kupesa yandi kikesa na ntwala ya lukutakanu to na nima ya lukutakanu mpi beno meka mutindu beno ta sala yo
Kana muntu ya dibuta kele ti disolo na lukutakanu, yandi lenda sala yo na ntwala ya dibuta

KISALU YA KULONGA NSANGU YA MBOTE:

Beno yilama sambu na kisalu ya kulonga nsangu ya mbote nzo na nzo
Beno yilama sambu na kuvutukila bantu
Beno yindula mutindu ya kulonga nsangu ya mbote na dibaku ya mbote, mpi beno meka mutindu ya kuyantika kusolula ti muntu na mawete yonso
Beno tubila balukanu yina beno lenda kuditudila sambu na kulonga mingi nsangu ya mbote na nsungi ya Nkinsi ya Kuyibuka Lufwa ya Yezu to ntangu beno me baka konzie na kisalu to na nzo-nkanda

BAMPUSA YA DIBUTA:

Beno sala nsonga mosi ya ke monisa mambu yina beno ta sala sambu na diambu mosi yina beno me kutana ti yo to yina beno lenda kutana ti yo, mu mbandu mutindu ya kukota ve na mambu ya politiki, kana bo ke monisa muntu mosi ya dibuta mpasi, kimakangu to bafeti mpi bankinsi
Beno sala nsonga yina bibuti ke baka kisika ya bana mpi bana ke baka kisika ya bibuti. Bana lenda sosa diambu mosi mpi bo solula yo ti bibuti

BANGINDU YA NKAKA:

Beno tala manaka ya JW Télédiffusion^® mpi beno tubila yo
Beno tanga disolo mosi to beno tala video mosi na jw.org mpi beno tubila yo
Beno tadila diambu mosi ya kele na kitini “Baleke ti Bambuta” to na kitini “Bana” ya kele na MALONGI YA BIBLIA na jw.org
Beno tubila banoti yina beno bakaka na lukutakanu ya distrike to na lukutakanu ya nziunga
Beno tala kima mosi yina Yehowa me salaka to beno sala bansosa sambu na yo mpi beno tubila mambu yina yo ke longa beno sambu na yandi
Bantangu ya nkaka, beno bingisa mpangi mosi mpi beno yula yandi bangiufula
Beno kuditudila balukanu ya kimpeve mpi beno tubila mutindu ya kulungisa yo
Beno sala kima mosi na kimvuka, mu mbandu maswa ya Noa to beno longuka bakarte to batablo yina kele na Mbalula ya Nsi-Ntoto ya Mpa mpi na mikanda na beto

Songa VIDEO Beno Landa Kutomisa Lusambu na Beno ya Dibuta. Na nima yula bawi ngiufula yai:

Inki mutindu bakala lenda sala nde nkento na yandi kusepela ti lusambu ya dibuta kana bo ke zingaka kaka bo zole?

Mvutu na nge

8. Kulonguka ya Biblia ya Dibundu

(Min. 30) bt kapu 13 § 17-24