2-8 SEPTEMBRE

BIMVWAMA YA NDINGA YA NZAMBI

1. Monisa Zola Sambu na Zina ya Yehowa ya Nkembo

(Min. 10)

Kusala ve mambu yina ke pesaka ve zina ya Yehowa lukumu (Nk 79:9; w17.02 9 § 5)

Binga zina ya Yehowa (Nk 80:18; ijwbv 3 § 4-5)

Yehowa ta sakumuna mingi kibeni bantu yina ke lemfukilaka yandi mpi ke monisaka zola sambu na zina na yandi (Nk 81:13, 16)

Mpangi-bakala mosi ke pesa nduku na yandi ya kisalu karti ya jw.org ntangu bo ke pema. — Beto fwete songa bantu nde beto kele Bambangi ya Yehowa, sambu bikalulu na beto kupesa yandi lukumu

2. Bimvwama ya Kimpeve

(Min. 10)

Nk 80:1—Sambu na nki mbala mingi Biblia ke sadilaka zina ya Yozefi sambu na kutubila makanda yonso ya bana ya Izraele? (it-2-F 53)

Mvutu na nge
Inki bimvwama ya kimpeve ya lutangu ya Biblia ya mposo yai nge ta sepela kutubila?

Mvutu na nge

3. Lutangu ya Biblia

(Min. 4) Nk 79:1–80:7 (th dilongi 10)

KUDIPESA NA KISALU YA BILANGA

4. Kuyantika Disolo

(Mun. 1) NZO NA NZO. Lomba muwi na kulonguka ti yandi Biblia. (lmd dilongi 4 kantu-diambu 4)

5. Kuyantika Disolo

(Min. 3) KIMBANGI YA DIBAKU YA MBOTE. Lomba muwi na kulonguka ti yandi Biblia. (lmd dilongi 4 kantu-diambu 3)

6. Kuyantika Disolo

(Min. 2) KIMBANGI NA BISIKA YA BANTU MINGI. Lomba muwi na kulonguka ti yandi Biblia. (lmd dilongi 3 kantu-diambu 3)

7. Landa Mpusa

(Min. 5) NZO NA NZO. Lomba muntu mosi ya ke sepela ti nsangu ya mbote na kulonguka Biblia ata yandi me buyaka dezia kulonguka yo. (lmd dilongi 8 kantu-diambu 3)

ZINGA MUTINDU BAKRISTU FWETE ZINGA

8. “Bo Ta Santisa Zina na Mono”

(Min. 15) Disolo ti Bawi.

Satana yantikaka kutuba mambu ya luvunu sambu na zina ya Yehowa na kilanga ya Edeni. Banda ntangu yina, lukanu ya kuluta mfunu yina konso muntu mpi konso wanzio fwete baka kele ya kunwanina lukumu ya zina ya Yehowa to ve.

Beto tadila mwa mambu ya luvunu yina satana tubaka sambu na Yehowa. Yandi tubaka nde Yehowa ke yalaka ve bantu na zola mpi yandi kele nku. (Kuy 3:1-6; Yob 4:18, 19) Yandi tubaka nde bansadi ya Yehowa ke zolaka yandi ve kibeni. (Yob 2:4, 5) Yandi me salaka nde bamilio ya bantu kundima ve nde Yehowa muntu salaka bima yonso ya kitoko yina beto ke monaka.—Bar 1:20, 21.

Mambu yina ya luvunu ke salaka nde nge kudiwa nki mutindu? Ntembe kele ve nde, yo ke pesaka nge nzala ya kukotila Yehowa mpi ya kunwanina zina na yandi. Yehowa zabaka nde bansadi na yandi ke zolaka kusala mambu yina ta sala nde yandi santisa zina na yandi. (Tala mpi Yezaya 29:23.) Inki mutindu nge lenda sala yo?

Sadisa bantu ya nkaka na kuzaba Yehowa mpi na kuzola yandi. (Yoa 17:25, 26) Vanda ya kuyilama na kumonisa na bantu ya nkaka nde Yehowa kele kibeni mpi longa bo bikalulu na yandi ya mbote.—Yez 63:7
Zola Yehowa na ntima na nge ya mvimba. (Mat 22:37, 38) Lemfuka na bansiku ya Yehowa sambu nge ke zola kupesa yandi kiese, kansi kaka ve sambu yo ke natila nge mambote.—Bin 27:11

Bifwanisu: Bifwanisu ya kele na video “Zola Ke Sukaka Ve . . . Ata na Nzo-Nkanda na Beno Bantu Ke Waka Ve Nzambi Boma.” 1. Ariel me vanda na banc ntangu mwana-klase na bo mosi ya bakala ke songa yandi musapi mpi ke yula sambu na nki yandi ke pesaka ve drapo lusaku. 2. Yandi ke sadila Biblia mpi dilongi 61 ya mukanda “Malongi Yina Nge Lenda Baka na Biblia” ntangu yandi ke longuka yandi mosi. 3. Yandi me telama na ntwala ya klase mpi yandi ke tendudila bo. 4. Bo ke pesa Diego makaya ya kura na mwana-klase na bo. 5. Yandi ke sala bansosa na tablete. 6. Yandi ke katuka na nzo-nkanda mpi yandi ke seka na kiese yonso.

Songa VIDEO Zola Ke Sukaka Ve . . . Ata na Nzo-Nkanda na Beno Bantu Ke Waka Ve Nzambi Boma. Na nima yula bawi bangiufula yai:

Inki mutindu Ariel mpi Diego nwaninaka zina ya Yehowa?

Mvutu na nge
Inki pusaka bo na kunwanina zina ya Yehowa?

Mvutu na nge
Inki mutindu nge lenda landa mbandu na bo?

Mvutu na nge

9. Kulonguka ya Biblia ya Dibundu

(Min. 30) bt kapu 15 § 1-7 mpi bangogo ya luyantiku ya kitini 6