10-16 NOVEMBRE
NKUNGA YA SALOMO 3-5
Nkunga 31 mpi Kisambu | Bangogo ya Luyantiku (Mun. 1)
1. Bikalulu ya Mbote Kele Mfunu Mingi
(Min. 10)
Mwana-nkento ya Shulami monisaka kibeni nde yandi vandaka ti bikalulu ya mbote (Sal 4:3, 11; w15 15/1 30 § 8)
Mwana-nkento ya Shulami vandaka kulemfukila bansiku ya Yehowa, yo yina ngungudi fwanisaka yandi ti kilanga mosi ya kitoko mingi (Sal 4:12; w00 1/11 23 § 17)
Bikalulu ya mbote kele mfunu mingi kuluta kitoko ya nitu. Beto yonso kele ti makuki ya kukuma ti bikalulu ya mbote (w00 1/12 31)
KUDIYULA NDE: ‘Inki bikalulu ya mbote ya bampangi ke vandaka ti yo ke sepedisaka mono?’
2. Bimvwama ya Kimpeve
(Min. 10)
Sal 3:5—Sambu na nki mwana-nkento ya Shulami lombaka “bana-bankento ya Yeruzalemi” na kuzenga “na zina ya bambambi mpi ya bakabuluku ya nseke”? (w07 1/2 16 § 4)
Inki bimvwama ya kimpeve ya lutangu ya Biblia ya mposo yai nge ta sepela kutubila?
3. Lutangu ya Biblia
(Min. 4) Sal 4:1-16 (th dilongi 2)
4. Kuyantika Disolo
(Min. 3) NZO NA NZO. Lomba muntu na kulonguka Biblia ti nge. (lmd dilongi 6 kantu-diambu 4)
5. Kuyantika Disolo
(Min. 4) KIMBANGI YA DIBAKU YA MBOTE. Songa muntu mutindu yandi lenda zwa masolo, bavideo to mambu ya nkaka na ndinga na yandi na jw.org. (lmd dilongi 4 kantu-diambu 3)
6. Diskure
(Min. 5) ijwbq disolo 131—Ntu-Diambu: Inki Biblia Ke Tubaka na Yina Me Tala Kutula Babote mpi Kulwata Ba Bijoux? (th dilongi 1)
Nkunga 36
7. Kwela Kaka na Mfumu (Kuy 28:2)
(Min. 8)
8. Keti Nge Ta Vanda Nkwelani ya Mbote?
(Min. 7) Disolo ti Bawi.
Keti nge ke sosa muntu ya kukwela? Inki bikalulu nge ke zola nde muntu yina nge ta kwela kuvanda ti yo? Ntangu bampangi ya nkaka yina ke sosa muntu ya kukwela ke talaka nge, keti bo ke monaka nde nge ke vandaka ti bikalulu ya mbote mpi ti kimpeve ya mbote? Muntu mosi lenda monisa ntete bonso nde yandi kele muntu ya kimpeve kansi na nima ya bilumbu, nge ta zaba kaka kana yandi kele kibeni muntu ya kimpeve to ve.
Bikalulu yai na nsi kele bikalulu yina muntu ya kimpeve ke vandaka ti yo. Na nsi ya konso kikalulu, sonika verse mosi ya ke wakana ti yo.
Yandi ke zolaka Yehowa mpi ke kwikilaka na yandi
Kana bakala, yandi fwete vanda ti bikalulu yina ta sadisa yandi na kuvanda mfumu ya mbote ya dibuta. Kana nkento, yandi fwete vanda ti bikalulu ya ke monisa nde yandi ta zitisaka bakala na yandi
Yandi ke sosaka ve kaka mambote na yandi mosi mpi yandi ke zolaka bantu na masonga yonso
Yandi ke tadilaka mambu mbote, ke salaka mambu na mayele mpi ke vandaka ve makambu ngolo
Yandi ke vandaka ngolo na kisalu mpi yandi ke salaka yo ti kikesa
9. Kulonguka ya Biblia ya Dibundu
(Min. 30) lfb malongi 34-35