22-28 DÉCEMBRE

BIMVWAMA YA NDINGA YA NZAMBI

1. Mambu Yina Biblia Tubaka na Ntwala Sambu na Mesia

(Min. 10)

Yandi fwete vanda mwana ya Davidi, na dikanda ya Yese (Yez 11:1; w11 1/5 4 § 6)

Mpeve ya Nzambi ta vanda na zulu na yandi mpi yandi ta wa Yehowa boma (Yez 11:2, 3a; ip-1 159 § 6; w23.06 15 § 5)

Yandi ta vanda zuzi ya mbote mpi yandi ta wila bantu mawa (Yez 11:3b-5; ip-1 160 § 9; 161 § 11)

Yezu ke yala bonso Ntotila na zulu, yandi me tandula diboko na zulu ya paladisu.

NGIUFULA YA KUYINDULA: Sambu na nki Yezu me luta bamfumu yonso na ntoto?

2. Bimvwama ya Kimpeve

(Min. 10)

Yez 12:4—Kubinga zina ya Yehowa ke tendula nki? (w25.05 30 § 15)

Mvutu na nge
Inki bimvwama ya kimpeve ya lutangu ya Biblia ya mposo yai nge ta sepela kutubila?

Mvutu na nge

3. Lutangu ya Biblia

(Min. 4) Yez 11:1-12 (th dilongi 11)

KUDIPESA NA KISALU YA BILANGA

4. Kuyantika Disolo

(Min. 3) NZO NA NZO. (lmd dilongi 2 kantu-diambu 5)

5. Kulanda Mpusa

(Min. 4) KIMBANGI NA BISIKA YA BANTU MINGI. Sadila site Internet na beto jw.org sambu na kuvutula mvutu na ngiufula yina muntu me yula nge. (lmd dilongi 8 kantu-diambu 3)

6. Kukumisa Bantu Balongoki

(Min. 5) Sadisa longoki na nge ya Biblia na kuyilama sambu na kulonga ti nge nzo na nzo. (lmd dilongi 11 kantu-diambu 4)

ZINGA MUTINDU BAKRISTU FWETE ZINGA

7. Keti Nge Ke ‘Sambisaka Bantu na Kutadila Mutindu Bo Ke Monana’?

(Min. 15) Disolo ti Bawi.

Bampangi-babakala zole na kisalu ya kulonga nsangu ya mbote, yandi ke longa muntu mosi ya lenda pesa yandi boma sambu yandi kele ti badese na nitu. Mpangi yina kele toko ke songa video “Sambu na Nki Beto Fwete Longuka Biblia?” Foto mosi ya nene ya kimvuka mosi ya bantu ya ke bulaka miziki kele na kibaka.

Konso kilumbu, beto ke bakilaka bantu ya nkaka bangindu. Bantangu ya nkaka, beto ke salaka yo kukonda kuzaba. Mbala mingi, beto ke vandaka ti kikalulu ya kubakila bantu bangindu na kutadila mutindu bo ke monana. Kansi Yezu yina kele mbandu na beto ke salaka ve mutindu yai. (Yez 11:3, 4) Yezu ke monaka ntima ya konso muntu mpi yandi ke zabaka mambu yina konso muntu ke yindulaka mpi bikuma yina ke pusaka yandi na kusala mambu. Ata beto kele ve bonso Yezu, yo ke tendula ve nde beto ta kuka ve kulanda mbandu na yandi. Kilumbu mosi, yandi tubaka nde: “Beno bika kusambisa na kutadila mambu yina ke monana na meso, kansi beno sambisa ti lusambisu ya lunungu.”—Yoa 7:24.

Kana beto ke bakila bantu bangindu na kutadila mutindu bo ke monana, yo lenda sala nde beto sala ve mbote kisalu ya kulonga nsangu ya mbote. Mu mbandu, beto lenda buya kulonga muntu mosi nsangu ya mbote sambu na ndinga na yandi, sambu na dibundu na yandi, sambu yandi kele na mbongo to sambu yandi kele nsukami. Nkutu bantangu ya nkaka, beto lenda yindula nde muntu mosi ta ndima ve nsangu ya mbote sambu na mutindu yandi ke monana. Kansi Nzambi ke zola nde “bantu ya mitindu yonso kuguluka mpi kubaka nzayilu ya sikisiki ya kieleka.”—1Tm 2:4.

Songa VIDEO Malongi ya Beto Ke Baka na Nzozulu ya Nkengi—Kusambisa Ve na Kutadila Mambu Yina Ke Monana. Na nima yula bawi bangiufula yai:

Inki bangindu ya mbi bo ke tubila na video yai?

Mvutu na nge
Inki lenda salama kana beto ke bakila bampangi na dibundu bangindu ya mbi?

Mvutu na nge
Inki sadisaka bampangi ya kele na video yai na kubakila ve bampangi ya nkaka bangindu na kutadila mutindu bo ke monana?

Mvutu na nge
Inki malongi nge bakaka na disolo ya Nzozulu ya Nkengi ya bo ke tubila na video yai?

Mvutu na nge

8. Kulonguka ya Biblia ya Dibundu

(Min. 30) lfb malongi 46-47