Sadila ‘Dikabu na Nge ya Kimpeve’

Beto yonso ke sepelaka kulutisa ntangu ti bampangi. Kansi beto fwete suka ve kaka na kulutisa ntangu ti bo, beto fwete pesana mpi kikesa. Biblia ke lombaka beto na kupesana kikesa ti bampangi mpi na kusadisana sambu na kuvanda ti lukwikilu ya ngolo. Yo ke tubaka nde kusala mpidina kele “dikabu ya kimpeve.” (Bar. 1:11, 12) Ebuna, nki mutindu beto lenda sadila mbote-mbote dikabu yango?

Tuba mambu yina ta pesa bampangi kikesa. Mu mbandu ntangu nge ke pesa bamvutu na lukutakanu, kutubila ve mingi bangindu na nge to mambu ya luzingu na nge, kansi tubila mingi mambu ya nge me longuka na mbandu ya Yehowa, na Biblia mpi na mbandu ya bansadi ya Yehowa. Diaka, ntangu nge ke solula ti bampangi, vanda ti kikalulu ya kutubila mambu yina ta kumisa lukwikilu na bo ngolo.

Baka balukanu ya mbote mpi sala mambu yina ta pesa bampangi kikesa. Mu mbandu, bampangi ya nkaka me bakaka lukanu ya kulanda kusala kisalu ya ntangu yonso ata bo ke kutana ti bampasi. Bampangi ya nkaka diaka ke kwisaka mbala na mbala na balukutakanu ya kati-kati ya mposo ata bo ke belaka to bo kele ti bisalu mingi. Mbandu na bo ke pesaka bampangi kikesa.

Keti mambu ya nge ke tubaka mpi ke salaka ke pesaka bampangi kikesa? Keti nge ke tulaka mpi dikebi na mambu yina bampangi ke tubaka mpi ke salaka sambu na kupesa nge kikesa?