Mambu ya Kusala Kana Nge Ke Kudiwa Nge Mosi

Keti nge ke kudiwa nge mosi mpi nge ke zinga nge mosi? Kana mpidina, nge lenda kudiwa bonso muntu mosi yina sonikaka mukanda ya Bankunga. Yandi tubaka nde: “Mono kele bonso ndeke yina kele yo mosi na ludi.” (Nkunga 102:7) Mayele yina kele na Biblia lenda sadisa nge na kununga mambu ya ke sala nde nge kudiwa nge mosi.

• Kumisa ngolo kinduku na nge ti Nzambi

• Kutanga baverse ya Biblia yina ke pesa kikesa

• Kubakisa ntendula ya mambu yina ke salama na ntoto

• Kutula ve basusi ya mpamba-mpamba

• Kuzwa banduku

• Kusala bangalasisi

Kumisa ngolo kinduku na nge ti Nzambi

Ata nge ke zinga nge mosi, nge lenda vanda na kiese kana nge kuma ti nzala ya kuzaba Nzambi mpi nge sala bikesa ya kuzaba yandi. (Matayo 5:3, 6) Mambu ya lenda sadisa nge yo yai.

• Biblia ya kele na Internet, yina bo me balula na mutindu ya mbote mpi ya kele ti bangogo ya pete

• Malongi ya Biblia ya ke pesa bamvutu na bangiufula ya mfunu mingi ya luzingu

• Bavideo ya nkufi ya ke tubila malongi ya mfunu ya Biblia

• “Bamvutu na Bangiufula ya Biblia”—Yo ke pesaka mvutu na bangiufula yina bantu ke yulaka mbala mingi

• “Landa Mbandu ya Lukwikilu na Bo”—Masolo yai ke tubilaka pwelele babakala mpi bankento ya lukwikilu yina Biblia ke tubilaka

• “Keti Yo Kudibasikilaka?”—Masolo yai ke tubilaka bima ya kitoko mpi ya kuyituka yina Nzambi me gangaka

Kutanga baverse ya Biblia yina ke pesa kikesa

Baverse yai me pesaka bantu mingi kikesa. Kutanga ve yonso na mbala mosi, na ntangu yina nge ke zinga nge mosi, pona kimvuka mosi ya baverse, tanga yo, yindula mambu yina yo ke tuba mpi samba.—Marko 1:35.

• Nkunga 23:1-6

• Nkunga 34:1-22

• Nkunga 46:1-11

• Nkunga 63:6-8

• Nkunga 91:1-6

• Matayo 6:25-34

• 2 Bakorinto 1:3, 4

• Bafilipi 4:6, 7

• 1 Piere 5:6, 7

Kubakisa ntendula ya mambu yina ke salama na ntoto

Ntangu kima mosi ya mpasi me salama, nge lenda vanda kaka ti mabanza ya mbote kana nge ke bakisa sambu na nki mambu ya mbi ke salama mpi mutindu Nzambi ta katula yo.—Yezaya 65:17.

• Sambu na nki Nzambi ke pesaka nzila nde mambu ya mbi kusalama?

• Inki Biblia ke tuba sambu na maladi mpi sante ya bantu?

• Inki kele kidimbu ya bilumbu ya nsuka?

• Inki kele ntendula ya bampunda iya yina mukanda ya Kusonga ke tubila?

• Inki mambu Kimfumu ya Nzambi ta sala?

Kutula ve basusi ya mpamba-mpamba

Masolo yai ta sadisa nge na kuvanda ve ti basusi yina muntu ke kuma ti yo kana yandi ke zinga yandi mosi, mpi na ‘kubika kudiyangisa.’—Matayo 6:25.

• Mutindu ya kununga basusi

• Vanda ti mabanza ya mbote

• Basusi sambu na bigonsa

• Basusi sambu na mbongo

• Mambu yina baleke ke kudiyangisaka sambu na yo

Kuzwa banduku

Muntu ke vandaka na kiese kana yandi kele ti banduku, mingi-mingi kana mambu ke pesa ve nzila nde nge kutana ti bantu kimuntu-kimuntu. Kana nge ke zinga kaka na kati ya nzo mpi mpila kubasika kele ve, nge lenda monana ti bantu na zoom to na whatsApp na nzila ya ba appel video, yo ta sadisa nge na kulanda kusolula ti banduku na nge mpi na kuzwa bantu ya nkaka. Masolo yai ta sadisa nge na kuzwa banduku mpi na kuvanda “nduku ya kieleka.”—Bingana 17:17.

• Mambu yina ke sala nde muntu kuvanda nduku ya mbote?

• Keti nge fwete kuma diaka ti banduku mingi?

• Inki nge fwete sala kana nge kele diaka ve ti banduku?

• Kuma ti kikalulu ya kubaka, nge ta zwa banduku

• Kumonisa ntonda ta sadisa nge na kuzwa banduku

Kusala bangalasisi

Biblia ke tuba nde “ngalasisi ya nitu kele mfunu.” (1 Timoteo 4:8) Yo lenda sadisa na kudiwa mbote, mingi-mingi kana nge ke zinga nge mosi. Ata ntangu nge ke zinga kaka na nzo, nge ke basika ve na nganda, kele ti mambu ya nge lenda sala sambu na kunikisa nitu mwa fioti.

• Nge lenda tambula-tambula

• Kusala bikesa sambu na kuvanda ngolo na nitu mpi na mabanza