Thomas Jackson/Stone via Getty Images
BENO LANDA KUKENGILA!
Mutindu Nge Lenda Kuma ti Kivuvu na 2024—Inki Biblia Ke Tuba?
Bantu mingi ke yindula nde kele ve ata ti kima ya beto lenda sala sambu na bampasi yina ta bwila beto na 2024. Kansi, beto lenda vanda ti kivuvu sambu na bilumbu ke kwisa. Na wapi beto lenda zwa yo?
Biblia ke pesaka kivuvu
Biblia ke tubaka nde Nzambi ta katula mambu yonso ya ke salaka nde beto mona mpasi bubu yai. Ntama ve, Nzambi “ta kusula mansanga yonso na meso na [beto], lufwa ta vandaka diaka ve; mawa, bidilu, mpi mpasi ta vandaka diaka ve.”—Kusonga 21:4.
Sambu na kuzaba mambu mingi yina Biblia ke tubaka sambu na bilumbu ke kwisa, tanga disolo “Kivuvu ya Kieleka Sambu na Bilumbu ya Ke Kwisa.”
Mutindu Biblia lenda sadisa nge bubu
Kivuvu yina Biblia ke pesaka lenda sadisa nge na kudiyangisa diaka ve kuluta ndilu mpi na kukuma kutadila mambu na mutindu ya mbote. (Baroma 15:13) Bandongisila ya mayele yina Biblia ke pesaka lenda sadisa nge mpi na kukanga ntima na bampasi yina nge lenda kutana ti yo bubu yai, mu mbandu kinsukami, mambu ya mbi yina bantu ke sadila beto mpi maladi.
Tala mutindu kivuvu yina Biblia ke pesaka sadisaka bakala mosi na kukuma na ngemba mpi na kiese ata yandi yelaka na dibuta yina vandaka bansukami. Tala video Juan Pablo Zermeño: Yehowa Me Sadisaka Mono na Kuzwa Luzingu ya Mbote.
Tala mutindu Biblia lenda sadisa nge kana nge ke kudiyangisa sambu na kima mosi ya mbi ya nge me salaka, kana nge kele mawa-mawa, kana nge kele ti basusi to kana muntu mosi ya nge vandaka kuzola me fwa. Tanga disolo “Keti Mono Lenda Zwa na Biblia Bangindu Yina Lenda Pesa Mono Kikesa?”
Tala mutindu Biblia sadisaka soda mosi ya ntama, yina vandaka “nku mingi kibeni” na kukuma ti kivuvu. Tala video Mono Tululaka Munduki.
Sala nde mvula 2024 kuvanda mvula mosi ya mbote sambu na nge mpi dibuta na nge. Longuka mutindu Biblia lenda sadisa nge. Beto ke lomba nge na kulonguka Biblia ya ofele ti beto. Nge ta zaba mutindu Nzambi lenda pesa nge “bangindu ya ngemba” bubu yai mpi mutindu yandi lenda sadisa nge na kuvanda ti ‘kivuvu sambu na bilumbu ke kwisa.’—Yeremia 29:11.