Nzo ya Mukolo ya Nzadi-Mungwa

NZO YA MUKOLO ke sadisaka yo na kuzinga na bisika ya mpasi, mpi na kunwana ti bampasi ya ngolo na nsi ya nzadi-mungwa. Ngolo na yo ya kuditanina mbote-mbote pusaka bantu ya mayele na kulonguka nzo ya mukolo mpi mutindu yo me salamaka sambu na kusala bakamio mpi banzo yina ta taninaka bantu mbote.

Beto tadila diambu yai: Bantu ya mayele longukaka mitindu zole ya banzo ya mukolo: yina kele ti bitini zole mpi yina kele nioka-nioka.

Yo monanaka nde mukolo yina nzo na yo kele ti bitini zole, banzila yina ke vandaka na nganda ya nzo na yo ke pusaka bigonsa na kisika yina bitini na yo zole me kutanaka mpi na bandilu na yo ya nganda. Kansi, sambu na mukolo yina ke vandaka nioka-nioka, nganda ya nzo na yo ke pusaka bigonsa na kati-kati mpi na nsongi na yo. Bambandu yai zole monisaka nde banzo ya mukolo ke pusaka bigonsa na bisika na yo ya kuluta ngolo, disongidila kana bigonsa me kumina mukolo, nzo na yo lenda tanina yo.

Bantu yina ke salaka bansosa fwanisaka mutindu nzo ya mukolo ya kieleka ke nwanaka ti bampasi mpi mutindu nzo ya mukolo ya kele ve ti bima mingi, yina bo ke salaka (yina bo ke niemaka na mashini 3-D) na kulanda nzo ya mukolo ya kieleka, ke nwanaka ti bampasi. Bansosa monisaka nde nzo ya mukolo ya kieleka yina kele ti bima mingi, ke kumaka ti ngolo mingi ya kunwana ti bampasi, kana beto fwanisa yo ti nzo ya mukolo yina bo ke salaka.

Ntangu zulunalu mosi (Scientific American) tubilaka mutindu ya kusadila mambu yina bo monaka na nsosa yai, yo tubaka nde: “Kana kilumbu mosi nge zwa dibaku ya kunata kamio yina kele bonso nzo ya mukolo, yo ta vanda kitoko mpi yo ta taninaka bantu na kati na yo.”

Nki nge ke yindula: Nzo ya mukolo, keti bo gangaka yo? To keti yo kudibasikilaka?