Bangogo ya Luyantiku
Ya kieleka, konso muntu ke kutana ti bampasi—mu mbandu maladi, aksida, kunikana ya ntoto, mupepe ya ngolo to diambu mosi ya nku.
Bantu ke sosaka kuzaba bikuma yina ke salaka nde bantu kumona mpasi.
Bantu ya nkaka ke tubaka nde Nzambi yidikaka mambu na ntwala sambu beto mona mpasi to nde beto kele ve ata ti kima mosi ya kusala sambu na kumanisa bampasi ya beto ke kutana ti yo.
Bankaka ke kwikila nde beto ke monaka mpasi sambu na mambu ya mbi yina beto ke sala to yina beto salaka na luzingu na beto ya ntete na ntwala nde beto butuka diaka.
Mbala mingi, bampasi ke pusaka bantu na kudiyula bangiufula mingi.