Tadila Mambu ya Ke Monana
Nimero yai ya Telama! ke tubila mambu ya ke monisa nde yo kele ti muntu yina salaka zulu ti ntoto mpi bima yonso ya kele na kati. Tadila mambu yango nge mosi sambu na kuzaba kana yo ke lomba nde nge ndima to ve nde yo kele ti Muntu Mosi ya Salaka Bima Yonso. Nge ta zwa mambu ya nkaka yina ta sadisa nge na kuyindula na bavideo mpi na mikanda yina kele awa na nsi. Nge lenda sosa batitre yai na jw.org:
Sambu na nki bantu yina me longukaka mingi ke ndimaka nde yo kele ti Muntu Yina Me Salaka Bima Yonso?
Tala masolo ya kele na kitini: Bangindu na Yina Me Tala Kisina ya Luzingu.
Keti dilongi ya evolisio me simbama na banzikisa ya ngolo?
Tanga dilongi 6 ya mukanda Zinga Mvula na Mvula! yo ke tuba nde “Luzingu Yantikaka Nki Mutindu?”
Keti yo me fwana nde beto ndima nde yo kele ti muntu yina salaka bima yonso?
Tala video Mambu Yina Baleke ya Nkaka Ke tubaka—Kukwikila na Nzambi.
Keti yo me fwana nde beto ndima mambu yina Biblia ke tubaka?
Tanga kamukanda Kisina ya Luzingu—Bangiufula Tanu ya Me Fwana na Kuyula.