Mambu Ke Beba na Nsi-Ntoto—Inki Nge Lenda Sala?
Keti nge ke mona nde mambu yina ke kumina bantu yonso na nsi-ntoto bubu me yantika kukumina nge mpi? Keti na kati ya mambu yai ke landa ya ke salama bubu, yo kele ti kima mosi to mambu mingi ya ke salama kisika nge ke zinga?
bitumba
bamaladi
bisumbula ya lugangu
kinsukami
kuvanda ti bangindu ya mbi sambu na bantu ya nkaka
mubulu
Kana kima mosi ya mpasi me salama, bantu mingi ya kima yango me bwila ke kudiyangisaka mpi bo ke zabaka ve kima ya kusala. Bantu ya nkaka ke kumaka bonso kidiba-kidiba, bo ke waka diaka kima ve. Kansi, mambu ke landaka kaka kubeba kana muntu me bikala kaka mutindu yina ntangu ya nda.
Kana kima mosi ya mbi mpi ya mpasi me salama, yo ke vandaka mfunu nde nge sala kima mosi sambu na kutanina bantu yina nge ke zolaka, sante na nge, bima ya nge ke zingilaka, mpi kiese na nge.
Inki nge lenda sala sesepi sambu nge kuditanina na mambu ya ke beba na nsi-ntoto?