Nani ke yalaka kibeni nsi-ntoto?

MAMBU YINA BIBLIA KE TUBAKA

“Nsi-ntoto kele na maboko ya Muntu ya Mbi.”—1 Yoane 5:19.

“Mwana-Nzambi kwisaka . . . sambu na kufwa bisalu yina ya Satana ke salaka.”—1 Yoane 3:8, Bible na Kituba.

YO LENDA TENDULA INKI SAMBU NA NGE

Nge ta bakisa mbote mambu yina ke luta na nsi-ntoto.—Kusonga 12:12.

Nge ta vanda ti bikuma ya kukwikila nde nsi-ntoto ta bonga.—1 Yoane 2:17.

KETI BETO LENDA KWIKILA KIBENI MAMBU YINA BIBLIA KE TUBAKA?

Ee, sambu na bikuma kiteso ya tatu:

• Luyalu ya Satana ta fwa. Yehowa me baka lukanu ya kusukisa luyalu ya Satana. Yandi ke sila na ‘kufwa . . . Diabulu,’ mpi na kukatula bampasi yonso yina Satana me nataka.—Baebreo 2:14, Mbalula ya Nsi-Ntoto ya Mpa.

• Nzambi me ponaka Yezu Kristu na kuyala nsi-ntoto. Yezu kele kibeni ya kuswaswana ti mfumu ya nku mpi ya bwimi ya nsi-ntoto yai. Sambu na kimfumu ya Yezu, Nzambi ke sila nde: “Bansukami ti bantu yina ke na ngolo ve, yandi ta wilaka bo mawa . . . Yandi ta gulusaka bo na maboko ya bantu ya nku.”—Nkunga 72:13, 14.

• Nzambi lenda kusa ve. Biblia ke tuba pwelele nde: “Nzambi lenda kusa ve ata fioti.” (Baebreo 6:18) Kana Yehowa me sila na kusala kima mosi, yandi ke lungisaka yo! (Yezaya 55:10, 11) Biblia ke tuba nde: “Bo ta losa mfumu ya nsi-ntoto yai na nganda.”—Yoane 12:31.