Bangogo ya Luyantiku ya Kitini 12

Yezu longaka bantu mambu ya me tala Kimfumu ya zulu. Yandi longaka bo mpi na kusamba sambu zina ya Nzambi kukuma santu, sambu Kimfumu na yandi kukwisa, mpi sambu luzolo na yandi kusalama na ntoto. Kana nge kele kibuti, tendudila mwana na nge kana kisambu yai ke tendula nki sambu na beto. Yezu bikaka ve nde Satana kufwa kwikama na yandi. Yezu ponaka bantumwa na yandi, mpi bo kumaka bantu ya ntete ya Kimfumu. Tubila kikesa ya Yezu sambu na lusambu ya kieleka. Sambu yandi vandaka kuzola kusadisa bankaka, Yezu belulaka bambefo, disaka bantu yina vandaka na nzala, mpi nkutu vutulaka bantu na luzingu. Na nzila ya bimangu yina, yandi monisaka mambu yina Kimfumu ta sala sambu na bantu.