LANDA MPUSA
DILONGI 7
Kuyambula Ve
Munsiku: “Bo landaka kukonda kulemba na kulonga mpi kuzabisa nsangu ya mbote.”—Bis. 5:42.
Mambu ya Polo Salaka
1. Tala VIDEO, to tanga Bisalu 19:8-10. Na nima, tadila bangiufula yai:
Na kisika nde Polo kulemba nitu ntangu bantu ya nkaka telaminaka yandi, inki mutindu yandi sadisaka bantu yina monisaka mpusa?
Mbala ikwa Polo vutukaka sambu na kulonga bayina monisaka mpusa, mpi bantangu ikwa yandi salaka yo?
Mbandu ya Polo Ke Longa Beto Inki?
2. Yo ke lombaka ntangu mpi bikesa sambu na kusala bamvutukilu ya mpa ya mbote mpi kuyantika kulonguka Biblia ti bantu.
Landa Mbandu ya Polo
3. Vutukila muntu na ntangu ya yandi me zola. Kudiyula nde: ‘Inki ntangu mpi na wapi yo lenda vanda mbote nde mono kutana ti yandi? Inki ntangu mpi na wapi yandi lenda solula ti mono?’ Ndima kukwenda kutala yandi ata ntangu yango me fwana ve sambu na nge.
4. Beno wakana ntangu. Konso mbala ya beno ke manisa kusolula, sala yonso sambu beno wakana ntangu mosi ya siki-siki yina beno lenda solula diaka. Sala yonso sambu na kuzitisa ntangu yina beno me wakana.
5. Vanda na kivuvu. Kutuba ve mbala mosi nde, muntu yina ke vandaka ve mingi na nzo to yina ke vandaka mbala na mbala ti bisalu mingi ke monisaka ve mpusa. (1 Bak. 13:4, 7) Landa kusosa yandi. Kansi zikisa nde nge ke sadila ntangu na nge mbote.—1 Bak. 9:26.