Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Mar. 15

“Mbala mingi bantu ketubilaka kukwisa ya Yezu Kristu. Keti nge keyindula nde yo kele dyambu yina beto fwete vingila to ya beto fwete wa boma? [Bika muntu yango kupesa mvutu.] Tala mutindu Yoane, nsoniki ya Biblia, vandaka kuyindula sambu na yo. [Tanga Kusonga 22:20.] Zulunalu yai ketendula mambu yina kukwisa ya Kristu talungisa.”

Réveillez-vous! Mar.

“Yo kemonana nde bantwadisi mingi kibeni kele lulendo mingi. Keti nge keyindula nde nkadilu yai kesadisaka na kutula ngemba mpi bumosi na nsi-ntoto? [Bika muntu yango kupesa mvutu.] Tala mambu yina Biblia ketuba sambu na lulendo. [Tanga Bingana 16:18.] Disolo yai kemonisa mambote ya kuvanda muntu ya kudikulumusa.” Songa disolo ya keyantika na lutiti 20.

Nzozulu ya Nkengi Apr. 1

“Konso kilumbu, beto kekutanaka ti mambu ya metala mavimpi na beto, dibuta na beto, mpi kisalu na beto. Nge keyindula nde beto lenda zwa bandongisila ya mefwana na kutudila ntima mpi ya mbote na wapi? [Bika muntu yango kupesa mvutu.] Tala mambu yina Biblia ketuba na 2 Timoteo 3:16. [Tanga.] Zulunalu yai kemonisa mitindu mingi ya mbote yina Biblia lenda sadisa beto.”

Réveillez-vous! Apr.

“Na bansi mingi, bantu keyindula nde bikalulu ya mbote ke na kumana. Keti nge mpi memonaka yo? [Bika muntu yango kupesa mvutu.] Mambu ya beto kemona bubu yai kelungisa mbikudulu ya Biblia. [Tanga 2 Timoteo 3:​2-4.] Zulunalu yai kemonisa ntendula ya kumana ya bikalulu ya mbote mpi kisika yina yo kenata bantu.”