Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Feb. 15

“Bantu yankaka keyindulaka nde bantu ke na kubebisa ntoto. Keti nge mekudiyangisaka dezia sambu na dyambu yina? [Bika muntu yango kupesa mvutu.] Tala lusilu yai ya kebwisa ntima. [Tanga Kusonga 11:18.] Zulunalu yai ketubila mambu yina kesalaka nde ntoto kuvanda sipesiali. Yo kemonisa mpi mambu yina Biblia ketuba sambu na avenire ya ntoto.”

Réveillez-vous! Feb.

“Keti nge keyindula nde yai kikuma ya kesala nde bampasi kuvanda mingi kibeni na inza? [Tanga 1 Yoane 5:19. Na nima, bika muntu yango kupesa mvutu.] Disolo yai kemonisa mambu ya Biblia ketuba na yina metala “muntu ya mbi” mpi mutindu beto lenda tina bupusi na yandi ya ngolo.” Tubila disolo yina meyantika na lutiti 12.

Nzozulu ya Nkengi Mar. 1

“Bantu mingi keyindulaka nde mabundu yonso kenataka na Nzambi. Keti nge keyindula nde dibundu yina muntu kepona kele mfunu? [Bika muntu yango kupesa mvutu.] Tala ndongisila yai. [Tanga 1 Yoane 4:⁠1.] Zulunalu yai ketubila mutindu beto lenda meka malongi ya beto kewa sambu na kuzaba kana yo mekatuka na Nzambi. Yo ketendula mpi mutindu mabundu mingi kuyantikaka.”

Réveillez-vous! Mar.

“Keti nge lenda tanga mwa mambu ya mpasi yina baleke kekutana ti yo bubu yai? [Bika muntu yango kupesa mvutu.] Verse yai ketubila dyambu mosi ya mpasi, disongidila kuvanda ti banduku ya mbote. [Tanga Bingana 13:20.] Zulunalu yai ketubila bigonsa ya kusadila Enternete sambu na kuzwa banduku, mpi mutindu ya kutanina baleke.”