Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Yan. 15

“Nge keyindula nde na wapi bankwelani lenda sosa bandongisila ya mbote? [Bika muntu yango kupesa mvutu.] Tala nani kele mubandisi ya makwela. [Tanga Kuyantika 2:22.] Nzambi kupesaka mpi bantuma na yina metala mukumba ya lukumu ya bakala ti nkento. Zulunalu yai ketendula yo.”

Réveillez-vous! Yan.

“Keti nge memonaka nde bantu mingi yina ketubaka nde bo kele Bakristu kelandaka ve malongi ya Yezu? [Bika muntu yango kupesa mvutu.] Mu mbandu, bantu mingi kelandaka ve bangogo yai ya Yezu. [Tanga Yoane 13:35.] Disolo yai ketubila luswaswanu yina kele na kati ya mambu yina Yezu kulongaka ti bangindu ya Bakristu mingi ya zina.” Songa disolo yina keyantika na lutiti 18.

Nzozulu ya Nkengi Feb. 1

“Keti nge keyindula nde insi na beto zolaka kuvanda mbote kuluta kana konso muntu vandaka kuzitisa bangogo yai? [Tanga Efezo 4:25. Na nima, bika muntu yango kupesa mvutu.] Bantu mingi keyindulaka nde kukusa kevandaka mbi ve na bantangu yankaka. Zulunalu yai ketendula mambote yina bantu kebakaka kana bo keta masonga ntangu yonso.”

Réveillez-vous! Feb

“Yo kemonana nde nkadilu ya bantu ya bansi mingi mesoba sambu na yina metala lusambu. Keti nge keyindula nde mabundu kevidisa bupusi na yo malembemalembe? [Bika muntu yango kupesa mvutu.] Bangogo yai ya ntumwa Polo kemonisa kikuma yina kesalaka nde bantu yankaka kutula dyaka ve ntima na mabundu. [Tanga Bisalu 20:​29, 30.] Zulunalu yai kemonisa mambu yina Biblia ketuba sambu na yina metala Bukristu na bilumbu kekwisa.”