Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Yan. 1

“Keti nge kendima mambu ya bo ketuba awa? [Tanga Yakobo 3:⁠2.] Disolo yai kepesa beto bangindu ya mfunu ya mekatuka na Biblia yina lenda sadisa beto na kubuya kulwadisa bantu ya fami na beto na kutuba na beto.” Songa disolo ya keyantika na lutiti 10.

Réveillez-vous! Yan.

“Na makwela yonso, makambu kekondaka ve. Na wapi nge keyindula nde bankwelani lenda baka bandongisila ya bo lenda tudila ntima? [Bika muntu yango kupesa mvutu.] Tala ndongisila yai ya mbote. [Tanga Efezo 5:​22, 25.] Disolo yai kemonisa nki yo ketendula ntangu Biblia ketuba nde nkento kulemfuka na bakala na yandi.” Songa disolo ya keyantika na lutiti 28.

Nzozulu ya Nkengi Feb. 1

“Na kumona bampasi yonso ya beto kele na yo bubu yai, keti nge keyindula nde beto lenda zwa mpenza ngemba ya kyeleka ya mabanza? [Bika muntu yango kupesa mvutu.] Kutadila kivuvu yina Biblia kepesa mesadisaka bantu mingi. [Tanga mosi ya baverse yina bo mepesa to yina bo mevutukila bangogo na yo yina kele na disolo ya nge tatubila.] Zulunalu yai kemonisa mambu yina Biblia ketuba na yina metala kisika beto katukaka, lukanu ya luzingu, mpi mambu yina tasalama na bilumbu kekwisa.”

Réveillez-vous! Feb

“Sambu nku kekuma kaka mingi, bantu mingi kekudiwa ve na lutaninu. Keti nge keyindula nde kilumbu mosi mambu tatoma? [Bika muntu yango kupesa mvutu.] Tala mbikudulu mosi ya kitoko ya Biblia. [Tanga Nkunga 37:10.] Zulunalu yai ketubila kisina ya ntetentete ya nku mpi mambu yina Biblia ketuba na yina metala mutindu ya kumanisa dyambu yai ya mpasi.”