Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

La Tour de Garde Des 15

“Na nsungi ya Nkinsi ya Lubutuku, bantu mingi kesosaka kumonisa ntima ya mbote mpi kuwila bankaka mawa. Keti nge keyindula nde nsi-ntoto tavanda mbote kuluta kana bantu kewila bankaka mawa na mvula ya mvimba? [Bika muntu yango kupesa mvutu. Na nima tanga 1 Piere 3:⁠8.] Zulunalu yai ketendula mfunu ya kuwila bankaka mawa mpi yo kemonisa mitindu ya sikisiki yina beto lenda sala yo.”

Réveillez-vous! Des.

“Keti nge keyindula nde bantu ya beto kezolaka yina mefwaka tazinga dyaka? [Bika muntu yango kupesa mvutu.] Biblia ketuba nde nzila kele sambu na kuguluka na lufwa. [Tanga Nkunga 68:21.] Zulunalu yai kemonisa sambu na nki beto fwete waka ve boma nde lufwa kele nsuka ya luzingu.”

La Tour de Garde Yan. 1

“Bantu mingi kesambaka sambu Kimfumu ya Nzambi kukwisa. Mu mbandu, tala kisambu yai ya mezabanaka mingi yina Yezu kulongaka balongoki na yandi. [Tanga Matayo 6:​9, 10.] Keti nge mekudiyulaka dezia kana Kimfumu kele nki mpi nki ntangu yo takwisa? [Bika muntu yango kupesa mvutu.] Zulunalu yai kemonisa mambu yina Biblia ketuba sambu na dyambu yai.”

Réveillez-vous! Yan.

“Na disolo yonso ya luzingu ya bantu, bankento menyokwamaka mpi bo mesadilaka bo mambu ya nku. Nge keyindula nde sambu na nki mambu ya mutindu yai kesalama? [Bika muntu yango kupesa mvutu.] Tala mutindu Biblia kelongisila babakala na kusadila bankento na bo mambu. [Tanga 1 Piere 3:⁠7.] Zulunalu yai kemonisa mabanza ya Biblia ya metala mutindu Nzambi ti Kristu ketadilaka bankento.”