Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Des. 1

“Keti nge memonaka nde bantu meswaswana na bikalulu na bo na mambu ya metala bunkete? [Bika muntu yango kupesa mvutu.] Tala kikuma mosi ya kemonisa nde bunkete kele mfunu. [Tanga 1 Piere 1:16.] Disolo yai kepesa mwa bangindu ya mfunu sambu na kutanina bunkete.” Tubila disolo yina kele na lutiti 9.

Réveillez-vous! Des.

“Bantu mingi kesalaka yonso sambu na kupesa Yezu lukumu na ngonda yai. Na kutadila verse yai, nge keyindula nde nki kele mutindu ya kuluta mbote ya kupesa yandi lukumu? [Tanga Yoane 14:15. Bika muntu yango kupesa mvutu.] Dati ya kyeleka ya lubutuku ya Yezu mezabana ve, mpi nge lenda yituka na kuzaba sambu na nki bo meponaka Desembri 25 bonso kilumbu ya Nkinsi ya Lubutuku.” Tubila disolo yina kele na lutiti 10.

Nzozulu ya Nkengi Yan. 1

“Bantu na nsi-ntoto ya mvimba kevandaka ti mabanza ya kuswaswana na mutindu na bo ya kutadila Maria, mama ya Yezu. Inki nge keyindula? [Bika muntu yango kupesa mvutu.] Biblia kemonisa nde Maria kele ti mukumba ya kuswaswana na disolo ya luzingu ya bantu. [Tanga Luka 1:​30-32.] Zulunalu yai ketubila mambu ya beto lenda longuka na mbandu na yandi.”

Réveillez-vous! Yan.

“Bisanga mpi banzadi mingi ya nsi-ntoto kekawuka, mpi bamilio ya bantu kele ve ti masa ya bunkete ya kunwa. Keti nge keyindula nde muntu lenda manisa dyambu yai kimakulu? [Bika muntu yango kupesa mvutu. Na nima tanga Yeremia 10:23.] Zulunalu yai ketubila mpila yina Nzambi tamanisa mpenza dyambu yai, mutindu Biblia kemonisa yo.”