Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Novembri 1

“Keti nge keyindula nde bawanzyo ketulaka dikebi na mambu yina beto kesalaka? [Bika muntu yango kupesa mvutu.] Biblia ketubila nsa yai ya kebenda dikebi. [Tanga Luka 15:10.] Disolo yai ketubila mambu yina Yezu kutubaka na mutindu yina bigangwa ya kimpeve kevandaka na bupusi na zulu na beto.” Kangula disolo yina keyantika na lutiti 16.

Réveillez-vous! Novembri

Tanga 2 Timoteo 3:16. Na nima tuba nde: “Keti nge kendima mpi keyindula nde beto lenda tula ntima na mambu yonso yina Biblia ketubaka? [Bika muntu yango kupesa mvutu.] Disolo yai ketubila mutindu arkeolozi mpi istware kendimaka mambu yina Biblia ketubaka sambu na Ezipte ya ntama.” Kangula disolo yina keyantika na lutiti 15.

Nzozulu ya Nkengi Desembri 1

“Bantu mingi kekwikilaka nde kele ti bigangwa ya mayele yina kevandaka na kisika ya kimpeve ya kele na bupusi na luzingu na beto. Inki nge keyindula? [Bika muntu yango kupesa mvutu. Na nima tanga Kusonga 12:7-9.] Zulunalu yai kemonisa mambu yina Biblia ketubaka sambu na bigangwa yina kezingaka na kisika ya kimpeve, mutindu bo kevandaka na bupusi na zulu na beto, mpi kana beto lenda solula ti bo.”

Réveillez-vous! Desembri

“Keti nge mekudiyulaka sambu na nki bantu kesungiminaka Nkinsi ya Lubutuku na Desembri 25, ata Biblia ketubilaka ve dati yina Yezu kubutukaka? [Bika muntu yango kupesa mvutu.] Na kutadila verse yai, lubutuku ya Yezu lendaka ve kusalama na nsungi ya madidi. [Tanga Luka 2:8.] Zulunalu yai kemonisa kisina ya binkulu mingi ya mepanzanaka ya metala Nkinsi ya Lubutuku.”