Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Yanuari 1

“Keti nge keyindula nde Nzambi kekudibanzaka sambu na kubeba ya ntoto? [Bika muntu yango kupesa mvutu. Na nima tanga Kusonga 11:18.] Disolo yai kemonisa bikuma yina Masonuku kepesa sambu na kutadila makwisa ya ntoto ti mabanza ya beto.” Tubila disolo yina kele na lutiti 18.

Réveillez-vous! Yanuari

“Ntangu bantu mingi kekutanaka ti bampasi, bo keyindulaka nde Nzambi kepesa bo ndola. Keti nge meyindulaka dezia mutindu yina? [Bika muntu yango kupesa mvutu. Na nima tanga Yakobo 1:13.] Disolo yai ketendula kisina ya kyeleka ya bampasi na beto mpi sambu na nki beto lenda tula ntima nde bampasi na beto tamana ntama ve.” Tubila disolo yina kele na lutiti 28.

Nzozulu ya Nkengi Februari 1

“Keti nge keyindula nde Nzambi kendimaka mabundu yonso? [Bika muntu yango kupesa mvutu.] Tala mambu yai ya Yezu kutubaka. [Tanga Matayo 15:​8, 9.] Disolo yai kemonisa kana Nzambi kendimaka mitindu yonso ya lusambu.” Tubila disolo yina kele na lutiti 9.

Réveillez-vous! Februari

“Konso kima yina kele na ntoto kemonisa nde yo salamaka sambu na kutanina luzingu. Keti nge keyindula nde yo kudibasikilaka, to nge kendima nde kele ti Ngangi mosi ya kusalaka yo? [Bika muntu yango kupesa mvutu.] Bantu mingi kendimaka verse yai ya Biblia. [Tanga Nkunga 104:24.] Zulunalu yai kemonisa banzikisa ya Biblia ti ya bantu ya siansi na yina metala Ngangi.”