Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Yanuari 1

“Keti nge keyindula nde nsi-ntoto zolaka kuvanda kisika ya kuluta mbote kana konso muntu vandaka kuzitisa munsiku yai ya Biblia? [Tanga Roma12:18. Na nima bika muntu yango kupesa mvutu.] Keti nge mekudiyulaka dezia sambu na nki bantangu yankaka Nzambi kulombaka bantu na yandi na ntangu ya ntama na kunwana bitumba? Disolo yai kemonisa mvutu ya pwelele ya Biblia.” Tubila disolo yina kele na lutiti 13.

Réveillez-vous! Yanuari

Tanga Bisalu 17:31a. Na nima tuba nde: “Sambu na bantu mingi dibanza ya Kilumbu ya Kusambisa kepesaka bo boma. Inki kele dibanza na nge? [Bika muntu yango kupesa mvutu.] Biblia kelongaka nde Kilumbu ya Kusambisa tanata balusakumunu mingi na ntoto. Disolo yai ketendula yo.” Tubila disolo yina keyantika na lutiti 10.

Nzozulu ya Nkengi Februari 1

“Bantu mingi kevandaka ti kivuvu ya kukwenda na zulu kana bo mefwa. Keti kivuvu yina kesepedisaka nge? [Bika muntu yango kupesa mvutu.] Tala mambu yina Biblia ketuba nde bantu mingi ya mbote tabaka. [Tanga Nkunga 37:29.] Zulunalu yai ketadila mambu yina Biblia ketubaka sambu na bantu yina takwenda na zulu mpi mambu yina bo tasala kuna.”

Réveillez-vous! Februari

“Bubu yai kufwa makwela kemonana mingi mpenza. Keti nge keyindula nde bankwelani mingi ketadilaka mambu yonso na ntwala ya kubaka desizio ya kufwa makwela? [Bika muntu yango kupesa mvutu. Na nima tanga Bingana 14:15.] Zulunalu yai ketubila mambu iya yina bankwelani fwete tadila ntangu bo kesosa kufwa makwela.”