Bamvutu na Bangyufula na Beno

◼ Inki nge fwete sala kana bo zabisa nge na kuyambula kusamuna na kisika mosi buna?

Bantangu yankaka, bapolisi kuzabisaka bansamuni yina vandaka kusamuna nde bo vandaka kufwa nsiku, mpi kusongaka bo na kuyambula kusamuna. Kana nge kutana ti dyambu yai, nge fwete katuka na kisika yango na mawete yonso mpi kukonda kusukinina. (Mat. 5:41; Filp. 4:⁠5) Kusosa ve kuyidika mambu nge mosi na kusolulaka ti bo na yina metala banswa na beto. Kana mpila kele, baka na mayele yonso nimero ya makaro ya polisi yango mpi kisika biro na bo kele. Na nima, kukonda kusukinina zabisa bankuluntu ebuna bo tazabisa dyambu yango na biro ya filiale. Mutindu mosi, kana mfumu ya bapolisi to mfumu yankaka ya kisika to ya lupangu mosi ya kele ti banzo mingi, mu mbandu nzo ya etaze, melomba nge na kubasika na kisika yango, nge fwete basika kukonda kusukinina mpi kuzabisa bankuluntu. Kusadila bantu yina kele ti kiyeka mambu na mawete mpi na kudikulumusa yonso lenda sadisa mpenza sambu beto kutana ve ti bampasi ya kukonda mfunu.​—⁠Bing. 15:1; Roma 12:⁠18.