Sambu na Nki Beto Fwete Kwenda Kukonda Kusukinina?

Ntangu beto ke kutanaka ti bampangi ya nkaka na lukutakanu ya kisalu ya bilanga, yo ke vandaka mbi ve na kusolula. Kansi, kana lukutakanu me mana, beto fwete kwenda nswalu na teritware. Kisalu na beto ya kusamuna fwete salama kukonda kusukinina. (2 Tim. 4:2) Kana beto ke sukinina mingi na nima ya lukutakanu ya kisalu ya bilanga, beto ta vanda ti ntangu fioti ya kusala kisalu yango. Beto ta vanda ti mabaku mingi ya kupesana kikesa ti bampangi na beto ntangu beto ke samuna ti bo. Kana beto ke kwenda na kisalu ya kusamuna kukonda kusukinina, yo ke monisaka nde beto ke sala ngolo sambu na kuvanda bampika ya Yehowa mpi ya Mwana na yandi.​—Bar. 12:11.