Sadila jw.org na Kisalu ya Kusamuna ​—“Deviens l’ami de Jéhovah”

Kana nge bweta kitini ya jw.org “La Bible et Vous,” nge ta mona kitini mosi sambu na bana. Kana nge bweta kitini yango, nge ta kuta kitini ya kele ti ntu-diambu “Deviens l’ami de Jéhovah.” Kitini yai kele ti bankunga, bavideo mpi mambu ya nkaka (activités). Keti nge ke sadilaka kitini yai na kisalu ya kusamuna? Kana nge ke longuka Biblia ti kibuti mosi ya kele na bana ya fioti, songa yandi kitini yai. Yo lenda sadisa yandi na kusengumuna mambu ya nkaka ya site Internet na beto.

Ntangu mpangi-bakala mosi vandaka kukabula trakiti Nsangu ya Kimfumu No. 38, yandi pesaka nkento mosi trakiti mpi nkento yango yantikaka kutanga yo mbala mosi. Nkento yai vandaka ti bana mingi mpi trakiti yai bendaka dikebi na bo. Mpangi-bakala tubilaka mambu ya kele na trakiti na bunkufi mpi songaka nkento yai adresi ya Internet na beto ya kele na lutiti ya nsuka ya trakiti. Sambu nkento yai monisaka mpusa, mpangi-bakala sadilaka telefone na yandi sambu na kusonga nkento yai ti bana na yandi video mosi ya Kalebi.

Mpangi-nkento mosi zabisaka nduku na yandi ya kisalu ya kele ti bana ya fioti site Internet na beto mpi malongi ya ke tadila mabuta ya kele na site yango. Nkento yai salaka bansosa na jw.org kumosi ti bana na yandi. Na nima, nkento yango zabisaka mpangi-nkento nde ntangu bana na yandi vandaka kusakana, bo vandaka kuyimba nkunga “Longa Nsangu,” yina kele na kitini “Deviens l’ami de Jéhovah.”

Zaba mbote-mbote mambu ya kele na kitini yai ya jw.org mpi sadila telefone na nge sambu na kubaka video, nkunga mpi mambu ya nkaka. Mpidina, nge ta vanda ya kuyilama sambu na kusadila kitini yai ya jw.org na kisalu ya kusamuna. Yai kele kisadilu mosi ya mfunu ya ta sadisa beto na kusadila Mfumu bonso bampika!​—Bis. 20:19.