Baka Mayele Sambu na Luzingu ya Konso Kilumbu na JW.ORG

Ndinga ya Nzambi ke pesaka beto bima yonso ya beto ke vandaka ti yo mfunu sambu na kukanga ntima na bampasi na bilumbu yai ya nsuka ya mpasi. (2Tm 3:1, 16, 17) Ata mpidina, bantangu ya nkaka beto lenda vanda ti mfunu ya lusadisu sambu na kuzwa minsiku ya Biblia yina beto lenda sadila na diambu mosi ya siki-siki. Mu mbandu, keti nge kele kibuti mpi nge ke sosa bandongisila na yina me tala kusansa bana? Keti nge kele toko mpi lukwikilu na nge ke mekama? Keti bakala na nge to nkento na nge me fwaka mpi nge kele kaka na mawa? Sambu na kuzwa minsiku ya siki-siki ya Biblia yina ta sadisa nge na mambu yai mpi mambu mingi ya nkaka, kota na jw.org.—Bin 2:3-6.

Kana nge kele na lutiti ya luyantiku ya jw.org, bweta kisika bo me sonika MALONGI YA BIBLIA. (Tala kifwanisu 1.) Yo ta basisa lisiti mosi. Pona ntu-diambu ya nge me zola. To bweta kisika bo me sonika BIBLIOTEKE, na nima bweta na MASOLO YA INTERNET mpi pona ntu-diambu ya me zola. (Tala kifwanisu 2.) Nge lenda zwa mpi bantu-diambu yina na JW Library.a Nge lenda sosa masolo na bisika yina. Nge lenda sosa mpi ntu-diambu mosi ya siki-siki na kisika yina bo ke salaka bansosa na jw.org.

Sonika masolo yai na kisika ya bo ke salaka bansosa mpi tula kidimbu na masolo yina nge ta zola kutanga.

• Kusansa bana

• Mutindu ya kusadila mbongo

• Makwela