Site Internet na Beto​—Bo Me Salaka Yo Sambu na Kusadisa Beto mpi Bantu ya Nkaka

Yezu pesaka beto kisalu ya kulonga nsangu ya mbote ya Kimfumu na “ntoto ya mvimba sambu na kuta kimbangi na makanda yonso.” (Mat. 24:14) Sambu na kusadisa beto na ‘kulungisa mbote-mbote kisalu na beto,’ bo me vukisa basite, watchtower.org, jw-media.org, mpi jw.org sambu na kusala site Internet yai ya bo me yidika mbote: jw.org.​—2 Tim. 4:5.

“Na Ntoto ya Mvimba”: Bubu yai, bantu mingi na nsi-ntoto ke sadilaka Internet. Yo me kumaka kisika ya ntete-ntete yina bantu mingi ke bakaka bansangu, mingi-mingi batoko. Site na beto ke pesaka bantu yina ke sadilaka Internet bamvutu ya kieleka na bangiufula ya Biblia. Site yai ke sadisaka bo na kuzaba organizasio ya Yehowa mpi kulomba kulonguka ya Biblia kukonda mpasi. Yo ke salaka nde nsangu ya mbote kukota na babwala yina bantu ke vandaka ti mabaku mingi ve ya kuwa nsangu ya Kimfumu.

“Na Makanda Yonso”: Sambu na kuta kimbangi na “makanda yonso,” beto fwete longa bakieleka ya Biblia na bandinga ya kuswaswana. Bantu ya ke kotaka na site jw.org lenda baka bansangu na bandinga kiteso ya 400, kuluta basite Internet ya nkaka.

Sadila Yo Mbote: Bo me yidika site Internet jw.org kaka ve sambu na kuta kimbangi na bantu yina kele ve Bakristu, kansi mpi sambu na Bambangi ya Yehowa. Kana nge ke sadilaka Internet, beto ke siamisa nge na kuyikana ti site jw.org. Mambu yai kele awa na nsi ke monisa mutindu ya kusadila yo.

[Tablo ya kele na lutiti 3]

(Sambu na kumona mambu yonso, tala mukanda)

Meka Yo

1 Sonika www.jw.org na kisika yina bo ke sonikaka adresi ya Internet na ordinatere na nge.

2 Sambu na kutala mambu yina kele na site, bweta na bantu​-diambu, na tubantu​-diambu yina ta basika, mpi pona disolo mosi.

3 Meka kusadila jw.org na konso apareyi yina kele ti Internet. Bo me yidika yo na mpila nde yo sala mpi na ba apareyi ya fioti, kansi bansangu kele kaka mutindu mosi.