Beto Sadila Site Internet na Beto na Kisalu ya Kusamuna​—“Questions Bibliques”

Kana beto kota na jw.org mpi beto bweta “ La Bible et Vous ” beto ta mona kisika ya bo me sonika “ Questions Bibliques. ” Kana beto ke zaba bangiufula ya bawi ke yulaka mbala na mbala na kisika yai, beto lenda twadisa bo na site Internet na beto sambu bo baka bamvutu ya me katuka na Masonuku. Beto lenda sadila mpi bangiufula yai sambu na kuyantika masolo na kisalu ya kusamuna. Beto lenda pona ngiufula yina ta benda dikebi ya bantu ya teritware na beto, kuyula dibanza ya bawi mpi kusadila bangindu yina kele na jw.org sambu na kuzabisa bo mambu yina Biblia ke tubaka. Na nima, beto lenda songa bawi kisika yina bangindu yango me katuka. Mutindu ya nkaka kele ya kutangisa bo mvutu mbala mosi na site Internet. Nkento ya nkengi-ntambudi mosi ke bakaka mbutu ya mbote ntangu yandi ke tubaka nde: “Bantu mingi ke kudiyulaka nde: ‘Keti Nzambi muntu kele na kisina ya bampasi na beto?’ Keti nge ta zola kubaka mvutu na basegonde 51?” Na nima, yandi ke sadilaka telefone na yandi sambu muwi kuwidikila mvutu yina yandi bakaka na Internet. Na nsuka, yandi ke songaka muwi kapu 11 ya mukanda Biblia Kelongaka.