Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Desembri 1

“Na nsungi yai ya mvula, bantu mingi kesalaka nsonga ya nkinsi ya Kubutuka sambu na kumonisa disolo yai ya Biblia. [Tanga Matayo 2:​1, 11.] Keti nge memona luswaswanu yina kele na kati ya mambu yina Biblia ketuba nde yo salamaka mpi mambu yina bantu kemonisaka mbala mingi? [Bika muntu yango kupesa mvutu.] Disolo yai ketubila mambu yina kusalamaka mpenza.” Tubila disolo yina kele na lutiti 31.

Réveillez-vous!Desembri

“Mono tazola kuzaba ngindu na nge na dyambu mosi yina Yezu kutubaka. [Tanga Matayo 5:⁠3.] Sambu mabundu kele mingi kibeni, keti nge keyindula nde mutindu yina beto kesolaka na kulungisa mpusa na beto ya kimpeve kele mfunu? [Bika muntu yango kupesa mvutu.] Disolo yai kemonisa mambu yina Biblia ketubila na yina metala mutindu ya kuzwa kyese ya kyeleka ya kimpeve.” Tubila disolo ya keyantika na lutiti 12.

Nzozulu ya Nkengi Yanuari 1

“Mabundu kepesaka bangindu ya kuswaswana na yina metala kusadila malafu. Nge keyindula nde Nzambi keyindulaka nki sambu na muntu yina kenwaka malafu? [Bika muntu yango kupesa mvutu.] Ata Biblia ketuba nde kilumbu mosi Yezu kusalaka kimangu na kubalulaka masa vinu, yo ketuba mpi mambu yai. [Tanga Bingana 23:20a.] Zulunalu yai kemonisa dibanza ya bukatikati ya Biblia.”

Réveillez-vous! Yanuari

“Na bantangu yai ya mpasi, bantu mingi kemona nde bo kesala mingi mpenza mpi bo kenyokwama mingi na mabanza. Keti nge mekudiwaka mpi mutindu yina? [Bika muntu yango kupesa mvutu.] Tala ndongisila yai ya mayele. [Tanga Longi 4:⁠6.] Zulunalu yai ketubila mutindu beto lenda vanda ti bukatikati na yina metala kisalu, dibuta, mpi bansaka ya kulutisila ntangu. Yo kepesa mpi bangindu ya mbote na bantu yina kesosa kisalu.”