La Bible : Une force dans votre vie

Biblia mesadisaka bamilio ya bantu na kusoba luzingu na bo sambu yo toma. Inki kele mwa minsiku ya Biblia yina, kana beto sadila yo, tasadisa beto na kunwana ti bampasi ya bilumbu na beto? Ntembe kele ve nde nge tasepela na kuzwa mvutu na ngyufula yai kana nge tadila video La Bible : Une force dans votre vie, video ya zole na kati ya bavideo tatu yina kele na DVD La Bible : un livre historique et prophétique. Na nima ya kutala video yai, keti nge lenda pesa mvutu na bangyufula yai?

(1) Inki mutindu Biblia kele kaka ve mukanda mosi ya kitoko ya bo mesonikaka mbote? (Baeb. 4:12) (2) Kana Biblia lenda sadisa bantu na kutomisa luzingu na bo, sambu na nki bantu kekutanaka ti bampasi? (3) Inki kele ntu-dyambu ya Biblia? (4) Inki baverse ya Biblia bo tangaka yina lenda sadisa bankwelani (a) na kutomisa mutindu na bo ya kusolula mpi (b) na kuyala mawi na bo? (5) Inki mutindu dibanza yina Bakristu kevandaka na yo sambu na makwela kesadisaka mabuta na kutomisa luzingu na bo? (Ef. 5:28, 29) (6) Inki mutindu Yehowa Nzambi mepesaka mbandu ya kukuka sambu na bibuti? (Mar. 1:9-11) (7) Inki mutindu bibuti lenda kumisa kulonguka ya dibuta kima ya kyese? (8) Katula kulonguka ya Biblia, nki kima yankaka yina Ndinga ya Nzambi kepusaka bibuti na kupesa bana na bo? (9) Inki mutindu ndongisila ya Biblia lenda sadisa mabuta na kununga mambu yina metala mpasi ya mbongo? (10) Kana beto kesadila yo, nki minsiku ya Biblia ya metala bunkete, kusadila bima yina kelausaka mpi kulauka malafu, mpi basusi tasadisa bantu na kufyotuna bamaladi? (11) Inki balusilu ya Biblia ya lenda sadisa beto? (Yobi 33:25; Nk. 145:16) (12) Inki mutindu malongi ya Ndinga ya Nzambi mesadisaka nge na kutomisa luzingu na nge? (13) Inki mutindu nge lenda sadila video yai sambu na kusadisa bankaka?