La Bible : un livre historique et prophétique

Kitini ya ntete ya bavideo tatu ya kukabwana yina kele na DVD La Bible : un livre historique et prophétique, kele Le livre le plus ancien toujours d’actualité. Na nima ya kutala video yai, pesa bamvutu na bangyufula yai ya kelanda:

(1) Na nki mitindu Biblia kewakana ti siansi ya bilumbu yai? (2) Inki mambu kendimisa beto nde Biblia ya beto kele na yo bubu yai meswaswana ve ti masonuku ya kisina? (3) Inki dyambu ya nene vandaka kusalama ntangu bo vandaka kusonika bamaniskri ya ntama ya Biblia? (4) Inki bamwaye John Wycliffe, Johannes Gutenberg, William Tyndale, John Hus, Martin Luther, Casiodoro de Reina, mpi Charles Taze Russell kusadilaka sambu na kumwanga Ndinga ya Nzambi na nsi-ntoto ya mvimba, mpi nki mutindu dibundu kumengaka ngolo mpenza Biblia? (5) Inki mutindu kusadila bandongisila ya Biblia kusadisaka bantu na kununga makambu yina metala mavimpi (Nk. 34:⁠9), bansaka ya mbongo (1 Tim. 6:​9, 10), kufwa makwela ti bizumba (1 Kor. 13:​4, 5; Ef. 5:​28-33), mpi kutula basusi mingi sambu na bimvwama ya kinsuni (Mat. 16:26)? (6) Inki bambandu kendimisa nge nde kusadila minsiku ya Masonuku lenda sadisa bantu na kumanisa kimbeni na bansi, na kikanda, mpi na kati ya bantu ya mpusu ya nitu yankaka (Luka 10:27)? (7) Na nki mitindu kuzitisa minsiku ya Biblia kunatilaka nge kyese ya kuluta mingi? (8) Inki mutindu nge lenda sadila video yai sambu na kusadisa bantu yankaka?​—⁠Tala Kisalu na Beto ya Kimfumu ya Februari 2006, lutiti 8.