La Bible : un récit historique exact, des prophéties dignes de foi

Inki banzikisa kemonisa nde Biblia ketubaka kyeleka na mambu ya metala istware? Inki bambikudulu ya Biblia yina melunganaka ya kepesa beto kivuvu ya kutula ntima nde bambikudulu ya makwisa talungana mpi? Beto tatadila bangyufula yai na video La Bible : un récit historique exact, des prophéties dignes de foi, disolo ya tatu ya kele na DVD La Bible : un livre historique et prophétique. Na nima ya kutala video yai, keti nge lenda pesa mvutu na bangyufula ya melanda?

(1) Malongi ya kutudila ntima yina kele na Biblia mekatukaka na nani? (Dan. 2:28) (2) Inki mutindu Biblia ketendula mbotembote Ezipte ya ntama, mpi inki mutindu mbikudulu ya Nzambi yina kele na Yezaya 19:3, 4 kulunganaka? (3) Inki mutindu arkeolozi kundimaka mambu ya Biblia kutubaka sambu na bantu ya Asiria, bantotila na bo, mpi nsuka ya Asiria? (Nah. 3:1, 7, 13) (4) Inki bambikudulu ya ketadila Babilone kulunganaka mutindu bo tubaka yo? (Yer. 20:4; 50:38; 51:30) (5) Inki bambikudulu ya ketadila Medo-Persia kulunganaka? (Yez. 44:28) (6) Inki mutindu Daniele 7:6 mpi 8:5, 8 kulunganaka na kutadila Grese? (7) Inki mutindu Daniele 7:7 kulunganaka ntangu Roma kukumaka ngolo ya nsi-ntoto? (8) Biblia ketubilaka nki Kaisala? (9) Inki kukuminaka Bakristu na nsi ya luyalu ya Nero? (10) Inki mutindu bambikudulu yina kele na Kusonga 13:11 mpi 17:11 kulunganaka? (11) Banani kele Bantotila nana? (12) Inki mambu ya nge memona na video kendimisa bukyeleka ya Longi 8:9? (13) Inki bambikudulu ya metala makwisa yina nge kevingila kulungana na yo? (14) Inki mutindu nge lenda sadila video yai sambu na kundimisa bantu yankaka nde Biblia mekatukaka na Nzambi?