Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Novembri

“Keti nge keyindula nde bantu yina kesosaka kulemfukila Nzambi kevandaka na kyese? [Bika muntu yango kupesa mvutu.] Disolo yai ketubila mambu mingi ya mfunu.” Pesa yandi Nzozulu ya Nkengi ya Desembri 1; tanga mambu yina kele na nsi ya ntu-dyambu mosi na kati ya bantu-dyambu yina kele na balutiti 16-17, mpi beno tadila yo. Tanga ata verse mosi na kati ya baverse yina bo mepesa. Pesa yandi bazulunalu, mpi baka bangidika sambu na kuvutukila yandi na mpila nde beno tadila mvutu ya ngyufula yina kelanda.

Nzozulu ya Nkengi Desembri 1

“Bantu yankaka kemonaka nde dibanza ya Biblia na yina metala kuvukisa nitu kele ya ntama mpi yo ketulaka bansiku ya kukonda mfunu. Bankaka kendimaka mambu yina Biblia ketubaka. Inki nge keyindula? [Bika muntu yango kupesa mvutu.] Tala mambu verse yai ketuba na yina metala kisina ya minsiku ya Biblia. [Tanga 2 Timoteo 3:16.] Zulunalu yai kemonisa mutindu Biblia kepesa bamvutu na bangyufula kumi yina bantu keyulaka mingi na yina metala kuvukisa nitu. Yo ketendula mpi mutindu minsiku ya Biblia lenda natila beto mambote.”

Reveillez-vous ! Novembri

“Kana beto tala mbote-mbote luyalanganu, nge keyindula nde beto fwete tuba nki? Keti kele ti Ngangi yina salaka yo to keti bima yonso kubasika kaka yo mosi? [Bika muntu yango kupesa mvutu.] Tala mambu yai nsoniki mosi ya Biblia tubaka ntangu yandi talaka luyalanganu. [Tanga Roma 1:20.] Zulunalu yai ketendula mambu yina bantu ya siansi mesengumunaka na yina metala selile ya nitu ya muntu, yina lenda sadisa beto na kubakisa dyambu yai.”