Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Novembri

“Beto yonso kesepelaka ti guvernema ya mbote. Sambu na nge, inki guvernema lenda kuka kumanisa bampasi ya bantu? [Bika muntu yango kupesa mvutu.] Tala mambu zulunalu yai ketuba.” Pesa muwi Nzozulu ya Nkengi ya Novembri 1, mpi beno tadila mambu yina kele na nsi ya kantu-dyambu ya ntete na lutiti 16 mpi beno tadila ata verse mosi. Pesa yandi bazulunalu mpi baka bangidika sambu na kuvutukila yandi mpi kutadila ngyufula yina kelanda.

Nzozulu ya Nkengi Novembri 1

“Beto ke zola kuzaba dibanza na nge na diambu yai: Kana yo lombaka nde nge yula Nzambi ngyufula mosi, inki zolaka kuvanda ngyufula yango? [Bika muntu yango kupesa mvutu.] Yezu tubaka nde, yo kele mbote na kusosa bamvutu na bangyufula na beto ya masonga. [Tanga Matayo 7:7.] Zulunalu yai kepesa bamvutu ya mekatuka na Biblia na bangyufula tatu yai ya mfunu.” Songa muwi bangyufula yina kele na nsi ya lutiti 3.

Réveillez-vous ! Novembri

“Bubu yai, beto kesolula ti bantu na yina metala mabuta. Mabuta yina kele kaka na kibuti mosi mekuma mingi bubu yai. Keti nge keyindula nde bo kekutanaka ti mambu mingi ya mpasi kuluta mabuta yina kele ti bibuti zole? [Bika muntu yango kupesa mvutu.] Bibuti mingi mezwaka bandongisila ya mefwana na Biblia. [Tanga 2 Timoteo 3:16.] Zulunalu yai kepesa mwa bangindu sambu na kusadisa mabuta yina kele na kibuti mosi na kununga mukumba na bo ya mpasi.”