Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Augusti

“Bantu kevandaka na mabundu ya mutindu na mutindu mpi kesambilaka Nzambi na mitindu ya kuswaswana. Nge keyindula nde Nzambi kekudiwaka nki mutindu sambu na dyambu yai? [Bika muntu yango kupesa mvutu.] Tala mambu Yezu kulongaka sambu na dyambu yai.” Pesa yandi kopi mosi ya Nzozulu ya Nkengi ya Septembri 1 mpi beno tadila kumosi mambu yina kele na nsi ya kantu-dyambu yina kele na lutiti 16 mpi beno tanga ata verse mosi na kati ya baverse yina bo mevutukila ve bangogo na yo. Pesa bazulunalu, mpi beno wakana sambu na kuzaba kilumbu nge tavutukila yandi sambu na kutadila ngyufula yina kelanda.

Nzozulu ya Nkengi Septembri 1

“Keti bibuti fwete longa bana mambu ya metala Nzambi ntangu bo kele ntete baleke, to yo kele mbote kuluta na kuvingila tii ntangu bo takuma bambuta mpi kupesa bo nswa ya kupona bo mosi balukwikilu na bo? [Bika muntu yango kupesa mvutu.] Tala mambu Biblia kelongisila batata. [Tanga Efezo 6:4.] Zulunalu yai kepesa mwa bandongisila na yina metala mutindu bibuti lenda longa bana na bo mambu ya Nzambi.”

Reveillez-vous ! Augusti

“Mu kezola kuzaba dibanza na nge na verse yai. [Tanga 1 Samuele 16:23.] Na kutadila mambu ya beto metanga, miziki kele ti bupusi ya ngolo. Keti nge keyindula nde bankunga yankaka lenda vanda ti bupusi ya mbi? [Bika muntu yango kupesa mvutu.] Zulunalu yai ketubila mutindu beto lenda sala bansola ya mayele na yina metala miziki mpi mutindu beto lenda sadisa bana na beto na kusala mutindu mosi.”