Bangogo ya Pete ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka Biblia ti Muntu na Sabala ya Ntete ya Ngonda ya Mayi

“Keti nge me kudiyulaka dezia sambu na nki Nzambi kepesaka nzila na mambi mpi na bampasi? [Bika muntu yango kupesa mvutu.] Mu ke na kyese ya kusonga nge dyambu mosi ya kitoko ya ketadila disolo yai.” Tanga ti yandi mambu yina kele na nsi ya kantu-dyambu ya ntete yina kele na lutiti 16 ya Nzozulu ya Nkengi, ya Yuni 1, mpi verse mosi yina bo mevutukila ve bangogo na yo. Pesa periodike mpi yilama na kuvutuka sambu na kutadila mvutu na ngyufula yina kelanda.

Nzozulu ya Nkengi Yuni 1

Tanga Nkunga 37:10, 11. Na nima tuba nde: “Keti nge keyindula nde lusilu yai talungana ntama mingi ve? [Bika muntu yango kupesa mvutu.] Periodike yai ketubila bambikudulu sambanu ya kuswaswana ya Biblia yina ke na kulungana na bilumbu na beto, mpi yo kemonisa nde lusilu yina kele na verse yai talungana ntama mingi ve.”

Réveillez-vous ! Mayi

“Bantu ya nkaka ketubaka nde bantu kudibasikilaka malembe-malembe na mwaye ya bambisi. Inki nge keyindula sambu na yo? [Bika muntu yango kupesa mvutu. Na nima, tanga Nkunga 139:14.] Ntembe kele ve nde muyimbi bankunga vandaka ve ti nzayilu ya mingi na yina metala bunene ya nitu ya muntu. Periodike yai ketubila mambu ya beto mezaba bubu yai mpi kima ya keswaswanisaka beto ti bambisi.”