Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka Biblia ti Muntu na Sabala ya Ntete ya Ngonda ya Mayi

“Sambu na nge, dibundu kepusaka bantu na zola ti ngemba to na kimbeni ti mubulu? [Bika muntu yango kupesa mvutu.] Bika mu songa nge kima mosi ya kitoko na yina metala dyambu yai.” Songa muwi Nzozulu ya Nkengi ya Mayi 1, mpi beno tadila ti yandi mambu yina kele na nsi ya kantu-dyambu ya ntete na lutiti 16 mpi beno tanga ata verse mosi. Pesa yandi zulunalu, mpi baka bangidika ya kuvutukila yandi sambu na kutubila ngyufula yina kelanda.

Nzozulu ya Nkengi Mayi 1

“Bantu mingi kekwikilaka nde mabundu fwete kota na mambu ya politiki, kansi bankaka kemonaka nde mabundu fwete kota ve na mambu ya politiki. Inki nge keyindula? [Bika muntu yango kupesa mvutu.] Tala mambu yina Yezu kusalaka ntangu bantu zolaka nde yandi kudikotisa na mambu ya politiki ya bilumbu na yandi. [Tanga Yoane 6:15.] Zulunalu yai ketendula kikuma yina Yezu kusalaka mambu mutindu yina mpi yo ketubila mutindu ya mbote yina Bakristu lenda sadisa bantu yina bo kezingaka ti bo.”

Reveillez-vous ! Mayi

“Bantu mingi yina beto kesolula ti bo metuba nde, bantu mesadilaka bo mambu ti kukonda lunungu na ntangu mosi buna. Keti nge keyindula nde kukonda lunungu lenda mana? [Bika muntu yango kupesa mvutu.] Tala mbikudulu yai ya ketubila mfumu mosi yina tamanisa kukonda lunungu. [Tanga Nkunga 72:11-14.] Zulunalu yai ketubila balusilu ya Biblia sambu na lunungu ya mingi yina tavanda na bilumbu kekwisa.”