Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka Biblia ti Muntu na Sabala ya Ntete ya Ngonda ya Yuni

Tanga Yezaya 42:8. Na nima tuba nde: “Na kutadila verse yai, Nzambi kele ti zina. Keti nge keyindula nde yo kele mfunu nde beto sadila zina ya Nzambi? [Bika muntu yango kupesa mvutu.] Tala mambu yina zulunalu yai ketuba.” Songa muwi Nzozulu ya Nkengi ya Yuni 1, mpi beno tadila kumosi mambu yina kele na nsi ya kantu-dyambu ya ntete na lutiti 16. Pesa yandi zulunalu, mpi baka bangidika sambu na kuvutukila yandi mpi kutadila ngyufula yina kelanda.

Nzozulu ya Nkengi Yuni 1

“Mu tazola kuzaba dibanza na nge na dyambu mosi ya mfunu mingi. [Kangula zulunalu na lutiti 3, mpi tanga mambu yina kele na lutiti yango.] Na kati ya mambu yai kele awa, nki dyambu kewakana mbote-mbote ti mambu yina nge kendimaka ya kele na Biblia. [Bika muntu yango kupesa mvutu.] Tala mambu yina Biblia ketuba sambu na yo mosi. [Tanga Roma 15:4.] Zulunalu yai ketubila bikuma tanu yina kesala nde Biblia kuswaswana ti mikanda yankaka mpi yo ketubila mutindu yina Biblia lenda natila beto balusakumunu.”

Reveillez-vous ! Yuni

“Konso mvula, bamilio ya bantu kefwa na ntoto ya mvimba sambu bo kedia madia ya kubeba. Na dibanza na nge, madya ya bantu kedyaka na bwala na beto kevandaka ya bunkete? [Bika muntu yango kupesa mvutu.] Zulunalu yai ketendula mitindu iya yina beto lenda tanina dibuta na beto na maladi yina kekatukaka na madya. Yo ketubila mpi lusilu yina Biblia kepesa nde kubika fyoti muntu yonso tavanda na madya mingi mpi ya mbote mpenza.” Tanga Nkunga 104:14, 15.