Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Yuni

“Beto yonso mefwisaka muntu mosi ya dibuta to nduku. Keti nge kele ti kivuvu ya kumona bo dyaka? [Bika muntu yango kupesa mvutu.] Tala dibanza yai ya kepesa kikesa.” Beno tanga, mpi beno tadila mambu yina kele na kantu-dyambu ya ntete na lutiti ya 16 ya Nzozulu ya Nkengi ya Yuni 1 mpi baverse yina bo mevutukila ve bangogo na yo. Pesa bazulunalu mpi beno wakana sambu na kuvutukila yandi sambu na kutadila mvutu ya ngyufula yina kelanda.

Nzozulu ya Nkengi Yuni 1

“Bantu mingi kele ve na mbongo mingi sambu na kusumba bima ya bo kele na yo mfunu, mpi nkutu bankaka kevandaka ve ti bima ya kuzingila. Keti nge kemona nde kele ti kilumbu kinsukami ya bantu yonso tamana? [Bika muntu yango kupesa mvutu. Na nima tanga Nkunga 9:18.] Zulunalu yai kemonisa kikuma ya kinsukami mpi mambu yina Biblia ketuba na yina metala mutindu ya kyeleka ya kumanisa yo.”

Réveillez-vous ! Yuni

“Kiterorizme mekumaka kunyokula bantu na nsi-ntoto ya mvimba. Nge keyindula nde nki kele na kisina na yo? [Bika muntu yango kupesa mvutu.] Mambu yai ya mekatuka na Biblia kepesa beto kivuvu. [Tanga Nkunga 72:7, 14.] Zulunalu yai ketendula mwa bikuma ya kiterorizme mpi yo kemonisa mambu yina Biblia ketuba na yina metala mutindu mpi ntangu kiterorizme tasuka.”