Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Yuli

“Bantu mingi kevutukilaka bangogo yai ya Kisambu ya Mfumu mbala na mbala: ‘Bika Kimfumu na nge kukwisa. Bika luzolo na nge kusalama awa na ntoto bonso na zulu.’ Nge keyindula nde Kimfumu yai kele inki? [Bika muntu yango kupesa mvutu.] Verse yai ya Biblia kesadisa beto na kuzwa mvutu.” Tanga Daniele 2:44. Na nima pesa muwi kopi mosi ya Nzozulu ya Nkengi ya Augusti 1, beno tanga mpi beno tubila mambu ya kele na nsi ya kantu-dyambu yina kele na lutiti 16. Pesa bazulunalu, mpi beno wakana sambu nge kuvutukila yandi sambu na kutadila mvutu ya ngyufula yina kelanda.

Nzozulu ya Nkengi Augusti 1

“Sambu luzingu kele nkufi mpi yo mefuluka ti bampasi, bantu mingi kekudiyulaka na yina metala ntendula ya kyeleka ya luzingu. Keti nge meyindulaka dezia sambu na yo? [Bika muntu yango kupesa mvutu.] Biblia kesila nde luzingu tavanda ve ntangu yonso mutindu yai. [Tanga Kusonga 21:4.] Zulunalu yai ketubila lukanu ya Nzambi sambu na ntoto mpi kemonisa mwa mambu yina beto lenda sala sambu na kuzwa ntendula ya kyeleka ya luzingu ata bubu yai.”

Réveillez-vous ! Yuli

Tanga mpasi mosi ya bo metubila na bazulunalu. Na nima tuba nde: “Na ngindu na nge, sambu na nki Nzambi kepesaka nzila nde mambu ya mutindu yai kusalama? [Bika muntu yango kupesa mvutu.] Na kutadila Biblia, Nzambi kewilaka bantu yina kemonaka mpasi mawa. [Tanga Kubasika 3:7.] Biblia kezabisa beto dyaka sambu na nki Nzambi kepesaka nzila na bampasi, mpi nde ntama mingi ve yandi tamanisa yo kimakulu. Zulunalu yai ketendula yo.”