Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Yuli

“Awa na bwala na beto, mu le tuba nde bantu yonso ke zolaka kuvanda na luzingu ya nda mpi ya kiese. Yo yina beto ke na mfunu ya dibanza na nge na ngiufula yai: Keti kilumbu kele bantu ya siansi ti minganga ta sadisa beto na kuzinga kimakulu? [Bika muntu yango kupesa mvutu.] Tala mambu yai ya bo ke tuba awa.” Songa yandi lutiti ya nsuka ya Nzozulu ya Nkengi ya Yuli 1 mpi beno tadila dilongi yina kele na nsi ya ngiufula ya ntete; beno tanga mpi ata verse mosi ya bo me vutukila ve bangogo na yo. Pesa yandi bazulunalu mpi baka bangidika ya kuvutukila yandi sambu na kutadila ngiufula yina ke landa.

Noti: Beno fwete sadila bangogo yai na nsonga yina ta salama na lukutakanu ya kisalu ya bilanga na Yuli 6.

Nzozulu ya Nkengi Yuli 1

“Bantu mingi ya beto me solula ti bo kele dezia ti mabundu na bo. Kansi bankaka ke tuba nde bo ke tulaka diaka ve ntima na mabundu yonso. Inki nge ke yindula sambu na mabundu? [Bika muntu yango kupesa mvutu.] Yezu pesaka munsiku mosi ya ke sadisa beto na kuzaba dibundu ya kieleka. [Tanga Luka 6:44a.] Zulunalu yai ke tubila ndambu ya bambuma ya mbi yina mabundu me butaka. Yo ke pesa mpi mvutu na ngiufula yai: Keti kele ti dibundu yina beto fwete tudila ntima?”

Réveillez-vous ! Yuli

“Beto ke na kutala bamfinangani na beto sambu na kutubila diambu mosi ya ke yangisa bantu—kukonda lunungu. Bantu ya nkaka ke tubaka to ke basikaka na babala-bala sambu na kumonisa nde bo ke telamina mambu ya kukonda lunungu. Keti nge ke yindula nde bantu yina ke salaka mpidiyai ke nungaka na kusoba mambu? [Bika muntu yango kupesa mvutu.] Tala kima yina Biblia ke tuba nde yo ta soba mambu na ntoto. [Tanga Matayo 6:9, 10.] Zulunalu yai ke pesa mvutu na ngiufula yai: Keti kutuba to kubasika na babala-bala sambu na kutelamina kima mosi, ke sobaka mambu?”

Nsangu ya Mbote ya Me katuka na Nzambi!

“Beto ke tala mabuta na bala-bala na beno sambu na kutubila bangindu ya Biblia yina ke pesa kikesa. Bantu mingi ya beto me solula ti bo ke kudiyula sambu na nki Nzambi ya zola lenda pesa nzila nde bampasi mingi kuvanda na nsi-ntoto. Keti nge ke yindula nde bampasi vandaka na lukanu ya kisina yina Nzambi vandaka na yo sambu na ntoto?” Bika muntu yango kupesa mvutu. Kangula dilongi 5, tanga mpi tadila baparagrafe zole ya ntete ti baverse ya bo me tengimisa bisono. Pesa muwi kamukanda yango mpi baka bangidika sambu na kuvutukila yandi mpi kutadila ngiufula ya ke landa, na bisono ya ndombe mingi.