Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Augusti

“Bubu yai bantu kemonisaka mbala mingi Yezu mutindu yandi vandaka bamvula funda zole meluta, bonso bebe yina kele na kidikilu to bonso muntu mosi ya kele na zulu ya nti ya mpasi. Kansi, nge keyindula nde Yezu ke na kusala nki ntangu yai? [Bika muntu yango kupesa mvutu.] Tala mambu periodike yai ketuba.” Pesa muwi Nzozulu ya Nkengi ya Septembri 1, mpi beno tala kumosi mambu yina kele na nsi ya kantu-dyambu ya ntete yina kele na lutiti 16 mpi beno tadila ata verse mosi. Pesa yandi zulunalu mpi baka bangidika sambu na kuvutukila yandi mpi kutadila ngyufula yina kelanda.

Nzozulu ya Nkengi Septembri 1

“Bantu mingi kendiminaka bimangu. Kansi bankaka kendimaka yo ve. Keti nge keyindula nde bimangu kesalamaka mpenza? [Bika muntu yango kupesa mvutu.] Lusilu yai ya kimangu yina tasalama na bilumbu kekwisa mepesaka bantu mingi kivuvu. [Tanga verse mosi na kati ya baverse yina kele na lutiti 9-10.] Zulunalu yai kepesa bamvutu na bangyufula tatu yina bantu mingi keyulaka na yina meta bimangu.”

Reveillez-vous ! Augusti

“Na bilumbu na beto, bantu mingi kevandaka na boma ya kutambula bo mosi, mingi-mingi na mpimpa. Keti nge keyindula nde bantu lenda sala kima mosi sambu na kufyotuna mubulu na nsi-ntoto? [Bika muntu yango kupesa mvutu.] Zulunalu yai ketubila mwa mambu yina beto yonso lenda sala sambu na kuvanda na ngemba mpenza ti bantu yankaka. Yo ketubila mpi mutindu mbikudulu yai ya kepesa kikesa talungana.” Tanga Nkunga 72:7, NW.