Mbandu ya Bangogo ya Kukotila na Masolo

(Sadila Periodike ya Kifalansa Kana yo Kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Yanuari

“Beto ke zola kuzaba dibanza na nge. Zina ya Nzambi kele na nani? [Bika muntu yango kupesa mvutu.] Beto lenda tanga mambu ya kele awa.” Pesa yandi Nzozulu ya Nkengi ya Yanuari 1; monisa yandi disolo yina kele na lutiti ya nsuka, mpi beno tadila mambu yina kele na kantu-diambu ya ntete; beno tadila mpi ata verse mosi. Pesa yandi bazulunalu; baka bangidika sambu na kuvutukila yandi mpi kutadila ngiufula yina ke landa.

Nzozulu ya Nkengi Yanuari 1

“Bantu mingi ke tubilaka nsuka ya ntoto yai. Keti nge ke yindula nde nsuka ya ntoto fwete pesa beto boma? [Bika muntu yango kupesa mvutu.] Verse yai ke monisa nde bantu ya nkaka ta guluka. [Tanga 1 Yoane 2:17.] Zulunalu yai ke pesa bamvutu ya me katuka na Biblia na bangiufula iya yina bantu mingi ke yulaka na yina me tala nsuka ya ntoto.”

Réveillez-vous ! Yanuari

“Beto ke na kutala mabuta sambu na kuzabisa bo nsangu mosi ya mfunu. Keti yo kele mfunu nde mabuta kusadila bangogo yai ya Yezu? [Tanga Bisalu 20:35b. Bika muntu yango kupesa mvutu.] Kulonga bana kikalulu ya kukonda bwimi lenda vanda mpasi na nsi-ntoto yai, sambu bantu mingi ke zolaka kaka mambote na bo mosi. Disolo yai ke monisa mitindu ya mbote yina bibuti lenda longa bana na bo na kuvanda bantu yina ke tudilaka ba nkaka dikebi.”