Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Yanuari

“Bantu mingi ke vandaka ti dibanza na bo mosi na yina me tala Nzambi. Bankaka ke yindulaka nde Nzambi kele diswekamu. Bankaka diaka ke tadilaka yandi bonso Tata ya zola yina kele na zulu. Nge ke yindula nde Nzambi kele nki mutindu?” Bika muntu yango kupesa mvutu. Songa yandi lutiti ya nsuka ya Nzozulu ya Nkengi ya Yanuari 1, mpi beno tadila malongi yina kele na nsi ya ngiufula ya ntete mpi beno tanga ata verse mosi ya bo me vutukila ve bangogo na yo. Pesa muwi bazulunalu, mpi baka bangidika sambu na kuvutukila yandi mpi kutadila ngiufula ya ke landa.

Nzozulu ya Nkengi Yanuari 1

“Beto ke tala bantu mwa na ntangu fioti sambu na kuzabisa bo diambu mosi yina ke yangisaka beto yonso—lufwa ya muntu ya beto ke zolaka. Keti nge ke ndima nde kufwila nduku to mpangi ya nge ke zolaka mingi kele diambu mosi ya kuluta mpasi? [Bika muntu yango kupesa mvutu.] Bantu mingi me monaka nde verse yai ya Biblia ke pesaka kikesa. [Tanga Yezaya 25:8.] Zulunalu yai ke tubila lusilu ya Biblia yina ke pesa kikesa mutindu Nzambi ta sukisa lufwa mpi ta futumuna bantu yina beto ke zolaka.”

Réveillez-vous ! Yanuari

“Keti nge ke ndima nde mabuta ke kutana ti bampasi mingi bubu yai? [Bika muntu yango kupesa mvutu.] Mukanda ya Bingana ke zabisa beto mambu yina mabuta fwete sala sambu na kutunga mpi kupesa bantu ya mabuta na bo kikesa. [Tanga Bingana 24:3.] Bantu mingi me monaka nde Biblia kele nto ya mayele yina bo fwete tudila ntima. Zulunalu yai ke tubila site Internet mosi ya kuswaswana ya ke tendula Biblia; yo kele ti bisadilu ya ofele sambu na kusadisa mabuta.”